❄❝ကာလာမသုတ် အနှစ်ချုပ်❞❄
💫💫💫💫💫💫💫💫💫
⏩အင်္ဂုတ္ထရနိကာယ်မှာ မြတ်စွာဘုရားသခင်ကိုယ်တော်မြတ်ကြီးက သုတ္တန်တစ်ခုဟောထားတာရှိတယ်။
ကာလာမသုတ်တဲ့။
ကေသမုတ္တိသုတ်လို့လဲ ထင်ရှားတယ်။
နေရာကတော့ ``ကေသမုတ္တ´´ ဆိုတဲ့ နိဂုံးရွာကြီးဖြစ်တယ်။ ဒီ ကာလာမဆိုတဲ့ လူမျိုးတွေက ကေသမုတ္တဆိုတဲ့ နိဂုံးရွာကြီးမှာနေကြတယ်။ အဲဒီတော့ နိဂုံးရွာနာမည်နဲ့ဆိုရင် ကေသမုတ္တသုတ်လို့လဲခေါ်တယ်။
🔜
မြတ်စွာဘုရားသခင်ကိုယ်တော်မြတ်ကြီးဟာ ကာသိနဲ့ ကောသလတိုင်းနှစ်ခုထဲမှာ လှည့်လည်သာသနာပြုရင်း ကောသလတိုင်းမှာရှိတဲ့ ကေသမုတ္တဆိုတဲ့ နိဂုံးရွာကိုရောက်တယ်။ ကေသမုတ္တရွာမှာ အယူဝါဒအမျိုးမျိုးကွဲပြားနေကြတယ်။
🔜
အဲဒီတော့ ကေသမုတ္တမှာနေတဲ့ ကာလမအမျိုးသားတွေက မြတ်စွာဘုရားနဲ့ တွေ့တဲ့အခါ ``အရှင်ဘုရား တပည့်တော်တို့ရွာမှာ သမဏ , ဗြဟ္မဏတွေ ရောက်ရောက်လာကြပြီး လာသမျှပုဂ္ဂိုလ်တွေဟာ ကိုယ့်ဝါဒကောင်းကြောင်း သူများဝါဒကို ရှုံချပြောဆိုသွားတာချည်းပဲ နောက်တစ်စုကလည်း ဒီအတိုင်း ကိုယ့်ဝါဒကောင်းကြောင်း သူများဝါဒမကောင်းကြောင်းရှုံချသွားကြတယ် ဘုရား။
ဘယ်သူကမှားလို့ ဘယ်သူကမှန်ပါသလဲ တပည့်တော်တို့ဝေခွဲမရဘူး´´လို့လျှောက်တယ်။
🌟အဲဒီအခါ မြတ်စွာဘုရား ``အေးဟုတ်တယ်။ မင်းတို့ဟာ သံသယဖြစ်ထိုက်ပါတယ်။ဘယ်သူမှန်တယ် ဘယ်သူမှားတယ်တော့ဖြင့် ငါမပြောဘူး။ ကိုယ်ပိုင်ဥာဏ်နဲ့ ဆုံးဖြတ်နိုင်အောင် စဉ်းစားစရာ အချက်တွေပေးပြီး သွန်သင်ဆုံးမသွားတယ်။´´
🔹``ဧထ တုမှေ ကာလာမာ´´
🔹`ဒီစကားကို တွေဝေမနေကြနဲ့ လာကြ ငါပြောမယ်´
ဆိုပြီး အချက် (၁၀)ချက် ထုတ်ပြတယ်။
၁။ ``မာ အနုဿဝေန´´
〰〰〰〰〰〰
လောကမှာ တဆင့်စကားဆိုတာတွေနဲ့လူတွေဟာ လက်ခံပြီး ယုံကြည်နေကြတာ Gossip ဆိုတာတွေရှိတယ်။
ဟိုကနေ ဒီပြော။ ဒီကနေ ဟိုပြော။ အများကြီးရှိတယ်။ ဒါကြောင့်မို့ အနုဿဝကို အင်္ဂလိပ်လို report လို့ပြန်တယ်။ တစ်စုံတစ်ယောက်က ကိုယ့်ကိုလာပြီး report လုပ်တယ်။ သတင်းပေးတယ်။ အဲဒါနဲ့လည်း အမှန်လို့ မဆုံးဖြတ်နဲ့တဲ့။
၂။ ``မာ ပရမ္ပရာယ´´
〰〰〰〰〰
ရှေးဘိုးဘွားဘီဘင် လက်ထက်ကတည်းက လုပ်လာတဲ့ Tradition လို့ခေါ်တယ်။ Tradition ဆိုတာ မှန်တာလည်းရှိတယ် မှားတာလည်းရှိတယ်။ အမှန်တရားကို ရှာဖွေတဲ့အခါ ဒါဟာ အသုံးမဝင်ဘူးတဲ့။
၃။ ``မာ ဣတိကိရာယ´´
〰〰〰〰〰〰
ဒီလိုတဲ့ဆိုပြီး တစ်ယောက်လာပြောတဲ့အရာ , ဟိုလိုဒီလိုဆိုတဲ့ဟာတွေ Hearsay လို့ခေါ်တယ်။ အဲဒီ Hearsay တွေနဲ့ အမှန်တရားကို ဆုံးဖြတ်ရင် အမှန်မရနိုင်ဘူးတဲ့။
၎။ ``မာ ပိဋကသမ္ပဒါနေန´´
〰〰〰〰〰〰〰
ပိဋက ဆိုတာ ဘုရားဟော ပိဋက ကိုပြောတာမဟုတ်ဘူး။ သင်ယူတဲ့ကျမ်းစာကို ပိဋကလို့ပြောတာ။ စာထဲမှာပါတယ်ဆိုတာနဲ့လည်း အမှန်တရားကို မဆုံးဖြတ်နဲ့တဲ့။
၅။ ``မာ တက္ကဟေတု´´
〰〰〰〰〰〰
တက္ကဆိုတာ Logic ကိုခေါ်တာ။ အကြောင်းအကျိုးဆီလျော်အောင် တွေးတောဆင်ခြင်မှု တွေးခေါ်တဲ့နည်းစနစ်တစ်ခုကို တက္ကလို့ခေါ်တယ်။
Logic ပေါ့။
အဲဒီ logic နည်းနဲ့လည်း အမှန်ကို မဆုံးဖြတ်နဲ့တဲ့။
၆။ ``မာ နယဟေတု´´
〰〰〰〰〰〰
နယ ဆိုတာ နည်းယူပြီးတော့ပြောတာ။ အကြောင်းမြင်ရင် အကျိုးလို့ပြောတာ။ အကျိုးအကြောင်း Inference လို့ခေါ်တယ်။ အနုမာနလို့ခေါ်တယ်။ တစ်ဆင့်မှန်းဆပြီးတော့ သိတာမျိုး။ အဲဒါနဲ့လည်းအမှန်တရားကို ရှာလို့မရဘူးတဲ့။
၇။ ``အာကာရ ပရိဝိတက္ကေန´´
〰〰〰〰〰〰〰
ကြောင်းကျိုးဆင်ခြင်ပြီး သုံးသပ်ကြည့်တာ။ အကြောင်းတရာကို တွေးတော ဆင်ခြင်ပြီးကြည့်တာ။ အဲဒီလို တွေးတော ဆင်ခြင်ပြီးတော့ အတွေးတစ်ခုနဲ့ အမှန်တရားကို ဆုံးဖြတ်ရင် မမှန်ဘူးတဲ့။
၈။ ``ဒိဋ္ဌိနိဇ္ဈာနက္ခန္တိယာ´´
〰〰〰〰〰〰
ကိုယ်ရဲ့ အမြင်ကို ဆင်ခြင်စဉ်းစားလိုက်တဲ့အခါ ကျေနပ်စရာအဖြေတွေ ထွက်တယ်။ ဒီအမြင်လေးက သဘောကျစရာရှိတယ်။ သူများအမြင်နဲ့လည်း ကိုက်ညီတယ်။ ကျေနပ်စရာကောင်းတယ် ဆင်ခြင်မှုနဲ့ရော အမှန်တရားကို ဆုံးဖြတ်လို့ မရဘူးတဲ့။
၉။ ``မာ ဘဗ္ဗရူပ´´
〰〰〰〰〰
ဖြစ်နိုင်ချေရှိတာကို Posibility လို့ခေါ်တယ်။ဘယ်ကိစ္စဖြစ်ဖြစ်လူတွေပြောကြတယ် `ဒါ ဖြစ်နိုင်တယ်´တဲ့ ။ အကျိုးအကြောင်းဆင်ခြင်မှုရှိတာပေါ့။ ဒါဖြစ်နိုင်တယ်လို့ ပြောရတဲ့ အရာတစ်ခုဟာလည်း ကိုယ်ကဖြစ်နိုင်တယ်ပြောပေမယ့် ဖြစ်ချင်မှဖြစ်တာ။ဒါကြောင့်မို့ `ဘဗ္ဗရူပ´ မှတ်သားထိုက်တယ်။ ဖြစ်နိုင်ချေရှိတယ် ဆိုတဲ့အချက်နဲ့လည်း အမှန်တရားကို မဆုံးဖြတ်နဲ့တဲ့။
၁၀။ ``မာ သမဏော နော ဂရု´´
〰〰〰〰〰〰〰〰
တချို့ကလေးစားရတဲ့သူ့ရဲ့ ဆရာက ပြောသွားတဲ့စကား`ဒီ သမဏဟာ ဒို့ရဲ့ဆရာ, ဆရာပြောတာဆိုရင် မမှားဘူး´လို့ ဒီလိုနဲ့ အမှန်တရားကို မဆုံးဖြတ်နဲ့တဲ့။
မြတ်စွာဘုရားဟာ
မစဉ်းစားဘဲနဲ့လက်ခံတာကို သဘောမကျဘူး။
ဝီမံသကသုတ်မှာ ⏩
ဘုရားက ``မင်းတို့စူးစမ်းကြ လေ့လာကြ ငါပြောတဲ့အတိုင်း ငါ့ကို မယုံကြနဲ့ ကျေနပ်လောက်စရာရှိလား။ ကျေနပ်လောက်မှလက်ခံ´´ဒီလိုဟောတယ်။
ကာလာမသုတ် အနှစ်ချုပ်ကို ကြည့်မယ်ဆိုရင်
〰〰〰〰〰〰〰〰〰〰〰
★ အထက်ပါ (၁၀)ချက်နဲ့ အမှန်တရားကို မဆုံးဖြတ်နဲ့။
★ ဆုံးဖြတ်လို့ လက်ခံကျင့်သုံးလို့ အပြစ်ရှိရင်
လက်ခံကျင့်သုံးလို့ မကောင်းကျိုးတွေ့ရင်
. ချက်ချင်းစွန့်လိုက်ပါ။
★ လက်ခံကျင့်သုံးလို့
ကောင်းကျိုးချမ်းသာရမယ်ဆိုရင် ချက်ချင်းကျင့်သုံးပါ။
★ အဲဒီလို မကောင်းတာကို စွန့်ပယ်ကောင်းတာတွေ
ကျင့်သုံးတဲ့ အခါမှာ အားလုံးအတွက် မေတ္တာ,
ကရုဏာ,မုဒိတာ,ဥပေက္ခာဆိုတဲ့ ဗြဟ္မဝိဟာရတရား
ကို ပွားများအားထုတ်ပါ။
★ အဲဒီလို အားထုတ်ပြီးတော့နေလို့ရှိရင်
နောင်ဘဝရှိသည်ဖြစ်စေ မရှိသည်ဖြစ်စေ
အကုသိုလ်ကံ ရဲ့အကျိုးရှိသည်ဖြစ်စေ မရှိသည်ဖြစ်စေ
ဘာမှစိတ်ပူစရာမရှိဘူးလို့ မြတ်စွာဘုရားက ဒီလို
အဆုံးသတ်ဟောကြားထားခြင်းဖြစ်ပါတယ်။
♥ဒီအတိုင်းအတာတွေနဲ့ ဆင်ခြင်သုံးသပ်ပြီး ကိုယ်ပိုင်ဥာဏ်နဲ့ ဆုံးဖြတ်ကာ လက်တွေ့ကျင့်ကြံအားထုတ်နိုင်ကြပါစေ။
🌟(ပါမောက္ခချုပ်ဆရာတော် ဒေါက်တာ နန္ဒမာလာဘိဝံသဟောကြားတော်မူအပ်သော ကာလာမသုတ်အနှစ်ချုပ်တရားတော်မှ ကောက်နုတ်ပါသည်)🌟
.
.
.
🌺သာယာချမ်းမြေ့ကြပါစေ။🌺
. သစ္စာနီ
