▬▬▬▬▬▬▬▬▬▬▬▬▬▬▬▬▬▬
“အဆုံးအမရလို့ ကျေးဇူးတင်တဲ့အနေနဲ့ ကိုးကွယ်တာ”
▬▬▬▬▬▬▬▬▬▬▬▬▬▬▬▬▬▬
❖ဆိုပါစို့ အခုခေတ်မှာဆိုလို့ရှိရင် မြတ်စွာဘုရား
ရုပ်ထုဆင်းတုတော် အိမ်မှာ ကိုးကွယ်ထားတယ်။
ဘာရည်ရွယ်ချက်နဲ့ ကိုးကွယ်တာတုံးဆို ခုနက
ပြောခဲ့တဲ့ အဆုံးအမရလို့ ကျေးဇူးတင်တဲ့အနေနဲ့
ကိုးကွယ်တာ။
❖မြတ်စွာဘုရား သက်တော်ထင်ရှားမရှိတော့
ကိုယ်စား ရုပ်ပွားဆင်းတုတော်ကို ကိုးကွယ်တယ်။
မြတ်စွာဘုရားရဲ့ အဆုံးအမတွေကို ရရှိလို့
ကျေးဇူးတင်တဲ့အနေနဲ့ ဘုရားဂုဏ်ကို အာရုံပြုဖို့
ကိုးကွယ်တာပဲ ဖြစ်ရမယ်။
အဲဒီလို မဟုတ်ဘဲနဲ့ ဒီရုပ်ပွားဆင်းတုတော်ကို
ကိုးကွယ်ထားခြင်းဖြင့် တို့အိမ်မှာ စီးပွားဥစ္စာတွေ
တိုးတက်တယ် ဒီလို ယုံကြည်ပြီး ကိုးကွယ်လို့ရှိရင်
မှားယွင်းတာပဲ။
ဒီဘုရား ကိုးကွယ်ထားရင် မီးကွင်းတယ်၊
မီးမလောင်ဘူးဆိုပြီး ကိုးကွယ်တာလည်း ရှိတယ်။
ဒါတွေက မှန်ကန်တဲ့ ရည်ရွယ်ချက်တွေ မဟုတ်ဘူး။
▬▬▬▬▬▬▬▬▬▬▬▬▬▬▬
“သရဏဂုံ မမြောက်ဘူး”
▬▬▬▬▬▬▬▬▬▬▬▬▬▬▬
သရဏဂုံယူတဲ့အခါမှာ “ဗုဒ္ဓံ သရဏံ ဂစ္ဆာမိ
ဘုရားကို ကိုးကွယ်ပါ၏”လို့ ဆိုရတယ်။
ဒီလို သရဏဂုံယူတဲ့အခါမှာ ရည်ရွယ်ချက်က
“ဘုရား၏ အဆုံးအမကို ခံယူချင်တာသာ” ဖြစ်တယ်။
❖ဘုရားကို မကိုးကွယ်လို့ရှိရင် ဘေးရန်အန္တရာယ်ဖြစ်မှာ
ကြောက်တယ် (သို့မဟုတ်) ပတ်ဝန်းကျင်က ကဲ့ရဲ့မှာ
ကြောက်တယ်။အဲဒီလို ကြောက်လို့ ကိုးကွယ်တာမျိုး
ကျတော့ သရဏဂုံ မမြောက်ဘူး။
❖ဘုရားကို ကိုးကွယ်မှ စီးပွားဥစ္စာ တိုးတက်မယ်လို့
ယူဆပြီး စီးပွားဥစ္စာတိုးတက်ချင်လို့ ကိုးကွယ်လို့
ရှိရင်လည်း သရဏဂုံ မမြောက်ဘူး။
❖တို့ဆွေတွေမျိုးတွေ မိသားစုတွေက ကိုးကွယ်တဲ့ဘုရား
လို့ဆိုပြီးတော့ မိသားစု သံယောဇဉ်နဲ့ ကိုးကွယ်လ
ရှိရင်လည်း သရဏဂုံ မမြောက်ဘူး။
ဒါတွေ မပါစေရဘူး။
မြတ်စွာဘုရားဟာ လောကမှာ တကယ် မြင့်မြတ်တဲ့
ပုဂ္ဂိုလ်ဖြစ်တယ်။
ပါရမီ ဆယ်ပါး၊
အပြား သုံးဆယ်၊
စရိယ သုံးပါး၊
စွန့်ခြင်းကြီး ငါးပါး
ဖြည့်ကျင့်ပြီးတော့ သတ္တဝါတွေအကျိုး အလို့ငှာ
ပါရမီတွေ ဖြည့်ကျင့်ပြီးလို့ ဘုရားအဖြစ်ကို
ရောက်လာပြီးတော့ အမှန်တရားကို ဟောကြားတဲ့
ပုဂ္ဂိုလ်ထူး၊ပုဂ္ဂိုလ်မြတ်ဖြစ်တယ်။ဒီပုဂ္ဂိုလ်ရဲ့
အရည်အချင်းတွေ အင်မတန်မှ မြင့်မြတ်တယ်၊
ထိုအရည်အချင်းတွေကို ပူဇော်တဲ့အနေနဲ့
ကိုးကွယ်တယ်ဆိုမှ ကိုးကွယ်မှု မြောက်တယ်။
အဲဒီလိုကိုးကွယ်မှ ကိုယ်နေ့စဉ်ဆိုနေတဲ့
“ဗုဒ္ဓံ သရဏံ ဂစ္ဆာမိ” ဆိုတာ ပိုပြီးတော့ အဓိပ္ပာယ်
ရှိတယ်။အဲဒါကမှ တကယ့် သရဏဂုံတည်တဲ့
“မဟာကုသိုလ်စိတ်”လို့ ခေါ်တယ်။
အဲဒီမဟာကုသိုလ်စိတ်နဲ့ မြတ်စွာဘုရား
ကိုယ်တော်မြတ်ကို ကိုးကွယ်ဆည်းကပ်လို့ ရရှိလာတဲ့
ကုသိုလ်စေတနာတွေကမှ လူချမ်းသာကိုလည်း
ပေးနိုင်တယ်။နတ်ချမ်းသာကိုလည်း ပေးနိုင်တယ်။ ။
-【စာရိုက်ပူဇော်သူ - Admin Team of
Young Buddhist Association】
-【ပါမောက္ခချုပ်ဆရာတော်ဒေါက်တာ
အရှင်နန္ဒမာလာဘိဝံသ】ဆက်ရန်►
Posted by
www.facebook.com/youngbuddhistassociation.mm
[“လွတ်လပ်စွာ Share နိုင်ပါသည်။
ပေ့ခ်ျများအနေဖြင့်၊ Blog များအနေဖြင့်
share မည်ဆိုရင် စာရေးသူ ဆရာတော် အမည်နဲ့
စာရိုက်ပူဇော်သူ - Admin Team of
Young Buddhist Association ကို
credit လေးပေးပါရန် မေတ္တာရပ်ခံအပ်ပါသည်။”]
(✦“ရိုးသားမှုသည် တခါတရံ၌ ရှုံးနိမ့်စေတတ်၏။
သို့သော် တစ်သက်လုံးကား
လိပ်ပြာလုံစေတော့၏။။”✦)
အပိုင်း(၁) ►
https://www.facebook.com/youngbuddhistassociation.mm/photos/a.1275958262414183.1073741933.129054333771254/1457444224265585/?type=3&theater
အပိုင်း(၂) ►
https://www.facebook.com/youngbuddhistassociation.mm/photos/a.1275958262414183.1073741933.129054333771254/1458602554149752/?type=3&theater
Credit: မူရင်း
No comments:
Post a Comment