မတော်စပ်ဖူးသော ဆွေမျိုးဟူ၍ မရှိ
*************************
အခါတစ်ပါး၌ မြတ်စွာဘုရားသည် သာဝတ္ထိပြည်၌ (သီတင်းသုံး) နေတော်မူ၏။
ထိုအခါမြတ်စွာဘုရားသည် ရဟန်းတို့ကို "ရဟန်းတို့" ဟူ၍ ခေါ်တော်မူ၏၊
ရဟန်းတို့ သံသရာ၏ အစကို မသိနိုင်၊ မသိမှု ' အ၀ိဇ္ဇာ'
ဖြင့် ပိတ်ဖုံးအပ်ကုန်သည် တဏှာနှောင်ကြိုးဖြင့်
ဖွဲ့ချည်အပ်ကုန်သည် ဖြစ်၍ ဤဘ၀မှ ထိုဘ၀ ထိုဘ၀မှ ဤဘ၀သို့ ပြေးသွားကျင်လည်ကြရကုန်သော
သတ္တ၀ါတို့၏ ရှေ့အစွန်းသည် မထင်နိုင်။
ရဟန်းတို့ ဤရှည်စွာသော အဓွန့်ကာလ၌ သင်တို့၏ အမိမဖြစ်ဖူးသော သတ္တ၀ါဟူ၍ မရှိ။
ရဟန်းတို့ အဖ မဖြစ်ဖူးသော သတ္တ၀ါဟူ၍ မရှိ။
ရဟန်းတို့ သင်တို့၏ ညီအစ်ကို မဖြစ်ဖူးသော သတ္တ၀ါဟူ၍ မရှိ။
ရဟန်းတို့ သင်တို့သည် ညီမ, နှမ, အစ်မ မဖြစ်ဖူးသော သတ္တ၀ါဟူ၍ မရှိ။
ရဟန်းတို့ သင်တို့၏ သား မဖြစ်ဖူးသော သတ္တ၀ါဟူ၍ မရှိ။
ရဟန်းတို့ သင်တို့၏ သမီးမဖြစ်ဖူးသော သတ္တ၀ါဟူ၍ မရှိ။
ရဟန်းတို့ ဤရှည်စွာသော အဓွန့်ကာလ၌ သင်တို့၏ မတော်စပ်ဖူးသော
ဆွေမျိုးဟူသော သတ္တ၀ါကို ရလွယ်သည် မဟုတ်။
ရဟန်းတို့ ဆင်းရဲသော မကောင်းသော အသွင်ရှိသော အကြင်
သတ္တ၀ါတို့ကို တွေ့မြင်ကုန်ရာ၏၊ ဤသို့ တွေ့မြင်ရာ၌ " ငါတို့သည်လည်း ဤ ရှည်စွာသော အဓွန့်ကာလ
၌ ဤသို့သဘောရှိသော ဆင်းရဲကို ခံစားရဖူးလှလေပြီ" ဟု ဆုံးဖြတ်ခြင်းသို့ ရောက်အပ်၏။
ထိုသို့ဖြစ်ခြင်းသည် အဘယ်ကြောင့်နည်း- ရဟန်းတို့
ဤသံသရာ၏ အစကို မသိနိုင်၊ မသိမှု ' အ၀ိဇ္ဇာ' ဖြင့် ပိတ်ဖုံးအပ်ကုန်သည် တဏှာနှောင်ကြိုးဖြင့် ဖွဲ့
ချည်အပ်ကုန်သည် ဖြစ်၍ ဤဘ၀မှ ထိုဘ၀ ထိုဘ၀မှ ဤဘ၀သို့ ပြေးသွားကျင်လည်ကြရကုန်သော သတ္တ
ဝါတို့၏ ရှေ့အစွန်းသည် မထင်နိုင်။
ရဟန်းတို့ ဤသို့လျှင် ရှည်စွာသော ညဥ့်တို့ပတ်လုံး သင်တို့သည် ဆင်းရဲကို ခံစားရဖူးလှလေပြီ၊
ပြင်းထန်သော ဆင်းရဲကို ခံစားရဖူးလှလေပြီ၊ ပျက်စီးခြင်းကို ခံစားရဖူးလှလေပြီ၊
သင်္ချိုင်းမြေပုံသည် တိုးပွားလှလေပြီ။
ရဟန်းတို့ ဤအလုံးစုံသော သင်္ခါရတရားတို့၌ ငြီးငွေ့ခြင်းငှါ သင့်လှတော့သည်သာတည်း၊
တပ်ခြင်းကင်းခြင်းငှါ သင့်လှတော့သည်သာတည်း၊
လွတ်မြောက်ခြင်းငှါ သင့်လှတော့သည်သာတည်း ဟု (ဟောတော်မူ၏)။
ဤဒေသနာတော်ကို နှလုံးသွင်းမလျှင် အားလုံးပင် ဆွေမျိုးချည်း ဖြစ်ကြသည် ဟူသော ရင်းနှီးချစ်ခင်
ကြင်နာသည့် စိတ်ထား ထားနိုင်ကြ၍ ကြီးမားသော စိတ်ထားရှိသူများ ဖြစ်နိုင်ကြမည်ဖြစ်ရာ
ကိုယ့်အမျိုးသားများအပေါ် စိတ်ထားကြီးမား ကျယ်ပြန့်နိုင်သူများ ဖြစ်ကြပါစေ။ ။
(သံ- ၁ - ၃၉၅)
သပြေကန်ဆရာတော်ကြီး
No comments:
Post a Comment