နို့နှစ်လုံးဖိုးလုံး ကျေပါတယ်
------------------------------------------
အရှင်ဘုရား မြတ်စွာဘုရားရှင်ဟာ မိခင်ကျေးဇူးကို နို့တစ်လုံးဖိုးပဲကျေအောင် ဆပ်နိုင်ခဲ့တယ်ဆိုတာ မှန်ပါသလားဘုရား။
မောင်မိုးကျော်သူ /ရန်ကုန်မြို့
ဒကာမိုးကျော်သူရေ..
ဦဇင်းတို့ လူဝတ်ကြောင်ဘဝ ငယ်ငယ်တုန်းက တက္ကသိုလ် အေးမောင်ရဲ့-ဘယ်ပန်းချီရေးလို့မမှီ-ဆိုတဲ့ သီချင်းကို အရူးအမူး စွဲလမ်းခဲ့ဖူးပါတယ်။
အဲဒီသီချင်းများ ရေဒီယိုက မလာလိုက်နဲ့၊ အသက်ရှုဖို့မေ့သွားမတတ် ရှိရှိသမျှ သမာဓိတွေကို သီချင်းဆီစုပြုံပို့ပြီး နှစ်နှစ်ခြိုက်ခြိုက် နားထောင်တော့တာပါပဲ။ ငယ်ဘဝရဲ့တသသ သီချင်းတွေထဲမှာ အဲဒီသီချင်းလည်း ထိပ်ဆုံးက ပါတာပေါ့။ မိဘမေတ္တာနဲ့ပက်သက်တဲ့ သီချင်းဆိုရင် ကလေးတိုင်း ကြိုက်ကြတာပဲ မဟုတ်လား?
မိဘမေတ္တာကို ဖွဲ့ဆိုတဲ့သီချင်းတွေ, ဇာတ်လမ်းတွေဟာ သားသမီးတွေကို မိဘမေတ္တာနားလည်စိတ်၊ မိဘကျေးဇူးဆပ်လိုစိတ် ထက်သန်လာအောင် လှုံ့ဆော်တဲ့နေရာမှာ စာပေထက်တောင် ပိုပြီးထိရောက်ပါတယ်။ အနုပညာ, ရသပါတဲ့အတွက် သားသမီးတွေရဲ့ ရင်ထဲကို စွဲစွဲနစ်နစ် ဝင်ရောက်သွားလို့ပါ။ အဲဒီအတွက် သက်ဆိုင်ရာ အနုပညာရှင်များကို ကျေးဇူးတင်မိပါတယ်။
ဒါပေမယ့် ကိုယ်ဖန်တီးလိုက်တဲ့ မိဘမေတ္တာဖွဲ့ အနုပညာပစ္စည်းထဲမှာ မှားယွင်းတဲ့ အချက်အလက်တွေ၊ လွဲချော်တဲ့ အတွေးအခေါ်တွေ ပါနေရင်တော့ အဲဒီအချက်အလက် အဲဒီအတွေးအခေါ်ကို အမှန်လို့ သတ်မှတ်သွားသူတွေရဲ့ အသိမှား အမှတ်မှားဟာ ကိုယ်ပေးလိုက်တဲ့ အကုသိုလ် အစိုင်အခဲကြီးဖြစ်နေတာမို့ ကိုယ်လည်း အကုသိုလ် ရှယ်ယာဝေစု ခွဲပြီးသား ဖြစ်သွားပါတယ်။
မိဘမေတ္တာအကြောင်း ရေးကြ ဖွဲ့ကြပြီဆိုရင် ဗုဒ္ဓစာပေ(ပိဋကတ်တော်) တွေထဲက အဆုံးအမတွေ အချက်အလက်တွေကို အများဆုံး ကိုးကားကြတာ တွေ့ရပါတယ်။ ဗုဒ္ဓစာပေနဲ့ မိဘမေတ္တာ၊ မိဘမေတ္တာနဲ့ ဗုဒ္ဓစာပေ ခွဲခြားလို့တောင် မရပါဘူး။ မိဘကျေးဇူးသိရမယ် ဆပ်ရမယ် လို့ ပြောလိုက်ရင်ကိုပဲ ဒါဘာသာရေးအဆုံးအမ၊ ဒါ ဗုဒ္ဓလမ်းညွှန်ချက်လို့တောင် သတ်မှတ်နားလည်လိုက်ကြတဲ့အထိပါပဲ။
ဗုဒ္ဓစာပေကို မှီးငြမ်းတဲ့ မိဘမေတ္တာဖွဲ့တွေမှာ-မြတ်စွာဘုရားရှင်တောင်မှ မိခင်ကျေးဇူးကို နို့တစ်လုံးဖိုးပဲ ကျေအောင် ဆပ်နိုင်ခဲ့တယ်- ဆိုတဲ့အချက်ကို တွေ့ရတော့ သိပ်ကို အံ့သြမိပါတယ်။
ပိဋကတ်တော်မှာ မပါတဲ့ အကြောင်းအရာတစ်ခုကို ပါသလို ရေးသားပြောဆိုတာဟာ အရမ်း အရမ်းကို အပြစ်ကြီးပါတယ်။ နို့တစ်လုံးဖိုးပဲ ကျေတယ် ဆိုတဲ့အချက်ကို မြတ်စွာဘုရားရှင် ကိုယ်တော်တိုင်လည်း ဟောကြားတော်မမူခဲ့သလို အဋ္ဌကထာဆရာ၊ ဋီကာဆရာတွေကလည်း ဖွင့်ဆိုတော် မမူခဲ့ကြပါဘူး။
သာသမီးတွေပေါ်မှာ မိဘကျေးဇူး ကြီးမားတာ မှန်ပါတယ်။ ဒါပေမယ့် မိခင်ကို အမွှန်းတင်ချင်လွန်းတာနဲ့ မြတ်စွာဘုရားရှင်ကို ပုတ်ခတ်စော်ကားသလို ဖြစ်သွားတာကတော့ လုံးဝ မသင့်တော်ပါဘူး။ ။။ဘုရားတောင်မှ မိခင်ကျေးဇူး နို့တစ်လုံးဖိုးပဲ ကျေတယ်။။လို့ ပြောဆိုတဲ့သူဟာ ဘုရားကိုလည်း စော်ကားရာရောက်သလို၊ တရားကိုလည်း ဖျက်ဆီးရာ ရောက်ပါတယ်။ သာသနာဖျက်တဲ့သူ လို့တောင် ပွင့်ပွင့်လင်းလင်း ပြောနိုင်တဲ့အထိ အကုသိုလ်ကြီးပါတယ်။
မြတ်စွာဘုရားရှင်ဟာ မိခင်ကျေးဇူးကို နို့နှစ်လုံးဖိုးလုံး ကျေအောင် ဆပ်နိုင်ခဲ့ပါတယ်။ မြတ်စွာဘုရားရှင်မှာ မိခင်အပေါ် နို့ဖိုးကြွေး လုံးဝမကျန်တော့ပါဘူး- ဆိုတဲ့ မိန့်ဆိုရေးသားချက် ပိဋကတ်တော်(ထေရဝါဒ စစ်စစ် ဗုဒ္ဓစာပေ)မှာ အခိုင်အမာ အထင်အရှား ရှိပါတယ်။
ပါဠိတော်မူရင်းကတော့-
။။ ဗန္ဓနာရက္ခနေ မယှံ အနဏော တွံ မဟာမုနေ ။။ ပါ(ပါဠိတော်အညွှန်းနှင့် အနက်ကို ဆောင်းပါးနောက်ဆုံးမှာ ဖော်ပြပေးထားပါသည်)
မိထွေးတော်ဂေါတမီ ထေရီမကြီး ပရိနိဗ္ဗာန်ဝင်စံခါနီး(သေခါနီး)မှာ မြတ်စွာဘုရားရှင်ကို စကားအတော်များများ လျှောက်ထားသွားခဲ့ပါတယ်။ အဲဒီလျှောက်ထားချက် များစွာထဲက တစ်ခုကတော့ မြတ်စွာဘုရားရဲ့ နို့ဖိုးကြွေးနဲ့ ပက်သက်နေပါတယ်။ လျှောက်ထားပုံက ဒီလိုပါ-
။။။ မြတ်စွာဘုရား... အရှင်ဘုရားကို တပည့်တော်က လောကနို့ရည် တိုက်ကျွေးပြီး အရှင်ဘုရားရဲ့ ရူပကာယ(ရုပ်ကိုယ်ထည်) ကြီးထွားလာအောင် မွေးမြူခဲ့ရတဲ့အတွက် တပည့်တော်ဟာ အရှင်ဘုရားရဲ့ မယ်တော်ကြီး(မိခင်) ဖြစ်ပါတယ်။။။
။။။ တပည့်တော်ကို အရှင်ဘုရားက ဓမ္မနို့ရည် တိုက်ကျွေးပြီး တပည့်တော်ရဲ့ ဓမ္မကာယ(တရားကိုယ်ထည်) ကြီးထွားလာအောင် မွေးမြူခဲ့ရတဲ့အတွက် အရှင်ဘုရားဟာ တပည့်တော်ရဲ့ ခမည်းတော်ကြီး(ဖခင်) ဖြစ်ပါတယ် ။။။
။။။ တပည့်တော် တိုက်ကျွေးခဲ့တဲ့ လောကနို့ရည်က ဆာလောင်မွတ်သိပ်ခြင်းကို တဒင်္ဂတစ်ခဏပဲ ငြိမ်းအေး ပြေပျောက်စေနိုင်ပါတယ်။ အရှင်ဘုရား တိုက်ကျွေးခဲ့တဲ့ ဓမ္မနို့ရည်ကတော့ အမြဲထာဝရ ဆာလောင်ခြင်းကို ငြိမ်းအေး ပြေပျောက်စေနိုင်ပါတယ် ။။။
။။။ မြတ်စွာဘုရား.... အရှင်ဘုရားဟာ တပည့်တော်ကို ကိလေသာအနှောင်းအဖွဲ့အားလုံးမှ လွတ်မြောက်အောင် စောင့်ရှောက် ကယ်တင်နိုင်ခဲ့တဲ့အတွက်ကြောင့် တပည့်တော်ပေါ်မှာ အရှင်ဘုရား နို့ဖိုးကြွေး လုံးဝ မကျန်တော့ပါ။ မယ်တော့်ကျေးဇူးကို နို့နှစ်လုံးဖိုးလုံး ကျေအောင် ဆပ်နိုင်ခဲ့ပါပြီဘုရား ။။။
မိထွေးတော်ဂေါတမီ ထေရီမကြီးရဲ့ နို့ဖိုးကြွေးရှင်းတမ်း လျှောက်ထားချက်ကို မြတ်စွာဘုရားရှင်က ငြင်းဆန်ခြင်း လုံးဝမပြုဘဲ လက်ခံတော်မူခဲ့တဲ့အတွက် အဲဒီလျှောက်ထားချက်သည်ပင်လျှင် မြတ်စွာဘုရားရှင်ရဲ့ မိန့်ကြားတော်မူချက်ပါပဲ။
တကယ်လို့သာ နို့ဖိုးကြွေး မကျေဘူးဆိုလို့ရှိရင် ။။။ ဟဲ့ ဂေါတမီ သင်လျှောက်ထားတာ မှားနေတယ်၊ မိခင်ကျေးဇူးကို ငါဘုရား နို့နှစ်လုံးဖိုးလုံး ကျေအောင် မဆပ်နိုင်ဘူးကွဲ့၊ နို့တစ်လုံးဖိုးပဲ ကျေအောင်ဆပ်နိုင်တယ်လို့။။။ မြတ်စွာဘုရားရှင်က စကားပြင်ပြောမှာပေါ့။ အခုတော့ စကားပြင်ပြောခဲ့တာမှ မဟုတ်ဘဲ၊ ဆိတ်ဆိတ်နေပြီး လက်ခံတော်မူခဲ့တာပါ။
ဆာလောင်မွတ်သိပ်ခြင်းဆိုတာ တဏှာပါ။ လောကနို့ရည်က နို့ဆာတဲ့ တဏှာကိုပဲ ပယ်ဖျောက်ပေးနိုင်ပါတယ်(ဒါတောင် တဒင်္ဂပါ အချိန်တန်တော့ ပြန်ဆာလာတာပါပဲ) တခြားဆာတဲ့ တဏှာကိုတော့ ပယ်ဖျောက်မပေးနိုင်ပါဘူး။ နို့စို့အရွယ်မှာတောင် ဟိုလူ့မြင်ချင်, ဒီလူ့မြင်ချင်၊ ဟိုဟာစားချင်, ဟိုဟာ သောက်ချင်နဲ့ ဆာလောင်မွတ်သိပ်မှုမျိုးစုံ(လိုချင်နှစ်သက် သာယာမှုမျိုးစုံ) တိုးပွားနေပါတယ်။
နို့ပြတ်သွားပြီဆိုတာနဲ့ တစ်ရက်ထက် တစ်ရက်, တစ်လထက် တစ်လ, တစ်နှစ်ထက် တစ်နှစ် ဆာလောင်မှုတဏှာတွေ တိုးတိုးလာပါတယ်။ အဲဒီလို တိုးလာအောင်လည်း မိခင်ကိုယ်တိုင်ကပဲ သင်ကြားပေးတာပါ၊ ။။သားသား ဒီမုန့်လေးက ကောင်းတယ်နော်၊ မီးမီး ဒီအရုပ်လေးက လှတယ်နော်။။ ဆိုတာမျိုးတွေက အစပြုလို့ပေါ့။
အသက်ကြီးလေ အဆာတိုးလေနဲ့ တဏှာကြီးကြီးလာလိုက်တာ-နွားကြီးလေ ချိုရှည်လေ- ဖြစ်တော့တာပါပဲ။ အဆင်း, အသံ, အနံ့, အရသာ, အတွေ့အထိ၊ အာရုံငါးပါး ကာမဂုဏ်တရားတွေကို ဆာလောင်မွတ်သိပ်တဲ့ တဏှာကို လောကနို့ရည် လို့ခေါ်တဲ့ မိခင်နို့ရည်က ဘယ်လိုနည်းနဲ့မှ ပယ်ဖျောက်မပေးနိုင်ပါဘူး။ ။။။ မိခင်ကျေးဇူး ရှုထောင့်နှင့် ရောထွေးမပစ်ပါနှင့်။။။
သစ္စာလေးပါး မြတ်တရားဆိုတဲ့ ဓမ္မနို့ရည်ကတော့ ဆာလောင်မွတ်သိပ်မှု တဏှာအားလုံးကို အကြွင်းမဲ့ ပယ်ဖျောက်ပေးနိုင်ပါတယ်။ သစ္စာလေးပါးကို အရဟတ္တမဂ်နဲ့ ထိုးထွင်းသိမြင်ပြီးလို့ ရဟန္တာဖြစ်သွားပြီဆိုရင် ဘယ်အရာကိုမှ ဆာလောင်မွတ်သိပ်မှု မရှိတော့ပါဘူး။ အာရုံအားလုံး, ဘဝအားလုံး ဘာကိုမှ သာယာနှစ်သက် တပ်မက်တွယ်တာမှု မရှိတော့တဲ့အတွက် တဏှာအဆာဓာတ်အားလုံး ချုပ်ငြိမ်းပြေပျောက်သွားပါပြီ။
ရဟန္တာအဆင့်ထိ မရောက်တောင်မှ သစ္စာတရားကို သူ့အဆင့်နဲ့သူ သိတဲ့သူဟာ သူ့အတိုင်းအတာနဲ့သူတော့ တဏှာအဆာဓာတ် လျော့ပါးသက်သာပါတယ်။
ပုထုဇဉ်အဆင့်ကို ကျော်လွန်ပြီး အောက်ထစ်ဆုံး သောတာပန်အရိယာအဆင့် ရောက်သွားတယ်ဆိုရင်ပဲ သိပ်မကြာလှတော့တဲ့ တစ်ချိန်မှာ ရဟန္တာဖြစ်ဖို့ သေချာသွားပြီ ဖြစ်တဲ့အတွက် မိခင်ကို သောတာပန်ဖြစ်အောင် ဓမ္မနို့ရည်တိုက်ကျွေးပေးတဲ့ သူတော်ကောင်းပုဂ္ဂိုလ်ဟာ မိခင်ကျေးဇူးကို နို့နှစ်လုံးဖိုးလုံးကျေအောင် ဆပ်ပြီးသား ဖြစ်တော့တာပါပဲ။
မြတ်စွာဘုရားရှင်ဟာ မိခင်နို့ ခုနှစ်ရက် တိုက်ကျွေးခဲ့တဲ့ မယ်တော်ရင်း မဟာမာယာဒေဝီကနေ ဘဝပြောင်းသွားတဲ့ သန္တုဿိတ နတ်သားကို ဝါတွင်းသုံးလပတ်လုံး အဘိဓမ္မာတရား(သုတ္တန်ကြားညှပ်) ဟောကြားပေးခြင်းအားဖြင့် သောတာပန်ဖြစ်သွားအောင် ဓမ္မနို့ရည် တိုက်ကျွေးခဲ့ပါတယ်။ မယ်တော်နတ်ရွာစံပြီးနောက် နို့မပြတ်မချင်း မိမိရဲ့ နို့ချိုကို တိုက်ကျွေးခဲ့တဲ့ မိထွေးတော် မဟာပဇာပတိ ဂေါတမီထေရီမကြီးကိုတော့ ရဟန္တာဖြစ်တဲ့အထိ ဓမ္မနို့ရည် တိုက်ကျွေးခဲ့ပါတယ်။
မယ်တော်ရင်းအနေနဲ့ သောတာပန်သာ ဖြစ်သေးတဲ့အတွက် တဏှာအဆာဓာတ်တွေ လုံးဝမပြေပျောက်သေးပေမယ့် သိပ်မကြာလှတော့တဲ့ တစ်ချိန်မှာတော့ တဏှာအဆာဓာတ်တွေ လုံးဝပြေပျောက်တဲ့ ရဟန္တာဖြစ်ဖို့ သေချာသွားပါပြီ။ အဲဒီအတွက် မြတ်စွာဘုရားရှင်မှာ နို့တစ်စက်ဖိုးမှ အကြွေးမကျန်တော့ပါဘူး။ နို့ဖိုးကြွေးအားလုံး ကျေသွားပါပြီ၊ နို့နှစ်လုံးဖိုးလုံး ကျေးဇူးဆပ်ပြီးပါပြီ။
နှစ်နဲ့ချီပြီး နို့စို့ခဲ့ရတဲ့ မိထွေးတော်ဂေါတမီ အပေါ်မှာတောင် နို့ဖိုးကြွေး မကျန်တော့ဘူးဆိုမှတော့ ခုနစ်ရက်ပဲ နို့စို့ခဲ့ရတဲ့ မယ်တော်မာယာအပေါ်မှာ နို့ဖိုးကြွေး တစ်စက်ဖိုးမှ မကျန်တော့ဘူးဆိုတာ ယုံးမှားသံသယဖြစ်စရာ မရှိပါဘူး။ နို့နှစ်လုံးဖိုးလုံး ကျေပါတယ်။
မြတ်စွာဘုရားတောင်မှ မိခင်ကျေးဇူးကို နို့တစ်လုံးဖိုးပဲ ကျေအောင် ဆပ်နိုင်ခဲ့ပါတယ်- ဆိုတဲ့ စကားဟာ တက်တက်စင်အောင် လွှဲမှားတဲ့ လုပ်ကြံစကားသာ ဖြစ်ပါတယ်။ ဘယ်ပိဋကတ်တော် ဘယ်ဗုဒ္ဓစာပေမှာမှ မပါပါဘူး။
ပိဋကတ်ကျွမ်းကျင်တဲ့ ဘယ်ဆရာတော်ကိုမဆို မေးမြန်းကြည့်နိုင်ပါတယ်။ ဝိဇ္ဇာလိုလို ဘိုးတော်လိုလို၊ ဖိုသီဖက်သီ ဘုန်းကြီးတွေကိုတော့ သွားမမေးနဲ့ပေါ့။ သူတို့ကတော့ တစ်ဆင့်ကြား အစဉ်အလာစကားကိုပဲ အမှန်လို့ သတ်မှတ်ပြီး ဟုတ်တယ်လို့ ခေါင်းညိတ်ကြမှာလေ။ ပိဋကတ်ဆိုတဲ့နေရာမှာလည်း ထေရဝါဒစစ်စစ် ပိဋကတ်တွေကိုသာ ဆိုလိုပါတယ်။
နို့တစ်လုံးဖိုးပဲ ကျေတယ်ဆိုတာတို့၊ သား ရွှေအိုးထမ်းလာတာကို မြင်ချင်တယ် ဆိုတာတို့ အဲဒီလို စသည့် ပိဋကတ်တော်မှာ မလာတဲ့ အချက်အလက် အလွဲအမှားတွေ လုထုကြားထဲ စိမ့်ဝင်ပျံ့နှံ့နေတာရဲ့ အဓိကတရားခံကတော့ ဇာတ်သမားတွေနဲ့ ကွက်စိပ်ဆရာတွေပဲလို့ ရှေးဆရာတော်ကြီးတွေက မိန့်ဆိုခဲ့ကြပါတယ်။
ကိုယ်ဖန်တီးတဲ့အနုပညာကို ပရိသတ်စိတ်ဝင်စားအောင် သိုင်းဝိုင်းချဲ့ထွင် မွမ်းမံဖွဲ့နွဲ့ရင်း လက်လွန်နှုတ်လွန်ဖြစ်ပြီးတော့ ပိဋကတ်တော်လာ အမှန်တရားတွေကို တမင်မရည်ရွယ်ပေမယ့် ဖျက်ဆီးလိုက်သလို ဖြစ်သွားပါတယ်။ ဇာတ်သမားသေရင် မဟာသပငရဲ ရောက်တယ်ဆိုတဲ့ ဗုဒ္ဓစကားတော်ရဲ့ အကြောင်းပြချက်တွေထဲမှာ ဇာတ်စာရေးသူတွေရဲ့ အချက်အလက်လွဲမှားအောင် ဖန်တီးမှုလည်း တစ်ခုအပါအဝင်ဖြစ်မှာ သေချာပါတယ်။(ဇာတ်စာအားလုံးကို မဆိုလိုပါ)
ပိဋကတ်တော်ကို ဇာတ်ဆရာ ကွက်စိပ်ဆရာတွေ ဖျက်တယ်ဆိုတဲ့စကား မှန်မမှန် သိချင်တာနဲ့ပဲ ဟိုတလောက ရေဒီယိုက လွှင့်တဲ့ ရွှေမန်းရဲ့ ဗုဒ္ဓဝင်လေးတော်တင်ခန်းကို တစ်ဝက်တပျက်ကနေ ခဏ နားထောင်ကြည့်လိုက်တော့ လား... လား... မယ်တော်မာယာကနေ ဘဝပြောင်းသွားတဲ့နတ်ကို မင်းသမီးတစ်ဦးက ။မယ်မယ်ဘုရား မယ်မယ်ဘုရား။ ချင်း မိုမွှန်ပြီး နတ်သမီးတစ်ပါးအဖြစ်နဲ့ တင်ဆက်သွားလိုက်တာ ကြားလိုက်ရပါရောလား
တကယ်ဆို ဗုဒ္ဓဘာသာဝင်တိုင်းသိတဲ့ မယ်တော်မိနတ်သား ဆိုတဲ့ စကားစုလေးကို ကြည့်လိုက်ရင်ကိုပဲ မယ်တော်မာယာက နတ်သမီးဖြစ်သွားတာ မဟုတ်ဘူး နတ်သားဖြစ်သွားတယ်ဆိုတာ အလွယ်တကူသိနိုင်ပါတယ်။
ဇာတ်သမားတွေလက်ချက်ကြောင့် ဘုန်းကညာတစ်ပါး လုံးရာက ပြားသွားရပါပေါ့လား သန္တုဿိတနတ်သားကြီးရေ..
------------------------------------------
နို့ဖိုးကျေနိုင်ပါစေ
အင်တာဗျူးဂျာနယ်/စက်တင်ဘာ ၁၈/၂၀၀၂
ရွှေပါရမီတောရ အရှင်ဆန္ဒာဓိက
------------------------------------------
အညွှန်း။- ထေရီအပဒါနပါဠိတော်- စာမျက်နှာ ၁၀၉/ ဂါထာ ၁၃၃။
ပါဠိအနက်။- မာဟာမုနေ- မြတ်စွာဘုရား၊ တွံ- ရှင်တော်မြတ်ဘုရားသည်၊ မယှံ- ဘုရားတပည့်တော်အား၊ ဗန္ဓနာရက္ခနေ- ကိလေသာအနှောင်းအဖွဲ့မှ လွတ်မြောက်အောင် စောင့်ရှောက်ခြင်းကြောင့်၊ မယှံ- ဘုရားတပည့်တော်၏အပေါ်၌၊ အနဏော- နို့ဖိုးကြွေးကင်းသူသည် (ဝါ) နို့နှစ်လုံးဖိုးလုံးကျေအောင် မိခင်ကျေးဇူးဆပ်ပြီးသူသည်၊ အတိ- ဖြစ်ပါပေ၏။
------------------------------------------------------------------------------------------------------------------------------
----------------
---------------
Thaint Hanni Phyu
Credit: မူရင်း
No comments:
Post a Comment