ရဟန်းခံ ရှင်ပြုအကြောင်း သိကောင်းစရာ

ရဟန်းခံ ရှင်ပြုအကြောင်း သိကောင်းစရာ - အပိုင်း(၃)
▬▬▬▬▬▬▬▬▬▬▬▬▬▬▬▬▬▬

အပိုအလွန်ဖြစ်သော ဆေး
ပူတိမုတ္တဆေးသည် မွန်မြတ်သော ဆေးဖြစ်သော်လည်း သင့်လျော်သော အကောင်းရှိက ထောပတ်၊ ဆီဦး၊ ဆီ၊ ပျားရည်၊ တင်လဲ ဟူ သော ဆေး ၅-မျိုးနှင့် ဗိန္ဓောဆေးများကိုလည်း လိုအပ်သလို သုံးနိုင်ရန် အပိုခွင့်ပြုတော်မူခဲ့ပါသည်။

(ဆောင်ရန်) ပစ္စည်း ၄-ပါး သုံးဆောင်နည်း

``မှီရာလေးသင်း၊ မာရ်ကျော့ကွင်း၊ ၀ဋ်တွင်း နက်လေစွ´´ ဟူသည်နှင့် အညီ ပစ္စည်း ၄-ပါး၌ သာယာငြိတွယ်၍ ကျော့ကွင်းမိခဲ့လျှင် ၀ဋ်ဒုက္ခတွင်း နစ်မွန်းရသည်၊ ပစ္စည်း ၄-ပါး ရှာမှီးရာ၊ သုံးစွဲရာတို့၌ ကျွမ်းကျင် လိမ္မာဖို့ အရေးကြီးသည်၊ ၀ိနည်းတော်နှင့် အညီ ရှာမှီး တတ်ဖို့ သုံးစွဲတတ်ဖို့ လိုသည်၊ ငှက်ပျော ဝါး ကျူပင်တို့ကို မိမိအသီးက ပြန်၍ သတ်ဖြတ်သကဲ့သို့ ပစ္စည်းလာဘ်လာဘက ရဟန်းကို ပြန်၍ သတ်ပါသည်။
ပစ္စည်း ၄-ပါးသည် သုံးတတ်လျှင်ကား ဆေး၊ မသုံးတတ်လျှင် ဘေး ဖြစ်တတ်ပါသည်၊ ဘေးမဖြစ်ရန် သုံးစွဲနည်း ပစ္စဝေက္ခဏာတို့ကို လည်း မြတ်စွာဘုရားက ထပ်မံ၍ ညွှန်ကြားတော်မူခဲ့ပါသေးသည်။

လုံးဝ မပြုထိုက်သော အရာ (ရှောင်ရန်) ၄-မျိုး

ဆောင်ရန် သိဖို့ထက် ရှောင်ရန် သိဖို့က ပို၍ အရေးကြီးပါသည်၊ လွန်ကျူးမိက ကုစား၍ မရနိုင်ကောင်းသော ပြစ်မှုမျိုးလည်း ရှိတတ် သေးသည်၊ မီးခဲကိုကိုင်မိ၍ အပူလောင်ခံရသော အနာကို ဆေးကုလို့ရနိုင်သည်၊ ၆၆၀၀-ရှိ မဟာဓာတ်အားလိုင်း လျှပ်စစ်ကြိုးကို ကိုင်မိလျှင် တစ်ခါတည်း မီးလောင်ပြာကျပြီး သေသွားမည်၊ ဆေးကုလို့မရတော့၊ ထို့အတူ သံဃာဒိသေသ် စသော အာပတ်အပြစ်များ ကျူး လွန်မိလျှင် ကုစား၍ ရနိုင်သေးသည်၊ ပါရာဇိကပြစ်မှုမျိုးကို ကျူးလွန်မိလျှင် တစ်ခါတည်း ရဟန်းဘ၀ ဆုံးရှုံး သွားတော့သည်၊ တစ်ဖန် ရဟန်းကောင်းဖြစ်အောင် ကုစား၍ မရနိုင်တော့၊ ဘုရားလက်ထက်က ရဟန်းတော်လေးတစ်ပါး ရဟန်းခံပြီး ရက်ပိုင်းအတွင်း မသိ နား မလည်သဖြင့် မယားဟောင်းနှင့် လွန်ကျူးမိသွား၏၊ ရဟန်းဘ၀ဆုံးရှုံးသွားကြောင်း နောက်မှသိရသည်၊ ထိုအဖြစ်မျိုး မကြုံမိစေရန် မှီရာ ၄-ပါးကို ပြောကြားပြီးနောက် မပြုထိုက်သော အရာ ၄-ပါးကို ပြောထားရန် မြတ်စွာဘုရားက မိန့်ကြားတော်မူခဲ့ပါသည်။
ယင်း ၄-ပါးတို့ကား-
၁။ လည်ပင်းပြတ်သွားသော ယောက်ျားသည် တစ်ဖန် အသက်မရှင်နိုင်၊ ထို့အတူ မေထုန်မှီဝဲလျှင် ရဟန်းအဖြစ် ဆုံးရှုံးသွားတော့သည်၊ ထို့ကြောင့် ရဟန်းဘ၀မှာ နေသမျှ ကာလပတ်လုံး မေထုန်မမှီဝဲရ။
၂။ အညှာမှ ကြွေကျပြီးသော သစ်ရွက်ရော်သည် နောက်ထပ် တစ်ဖန် စိမ်းလန်း ခြင်းငှါ မထိုက်တော့၊ ထို့အတူ တမတ် တမတ်တန် သော ဥစ္စာ၊ တမတ်ထက် ပိုလွန်သော ဥစ္စာတို့ကို ခိုးယူမိလျှင် ရဟန်းဘ၀ ဆုံးရှုံးရတော့သည်၊ ထို့ကြောင့် သူတပါး ဥစ္စာကို မြက်၊ ၀ါး ခြမ်းစိတ်မှ စ၍ မခိုးယူရ။
၃။ နှစ်ခြမ်းကွဲပြီးသော ကျောက်ဖျာကြီးသည် ပကတိအတိုင်း တဖန် ပြန်ဆက်စပ်၍ မရနိုင်သကဲ့သို့ လူဇာတ်ရှိသူကို သတ်မိလျှင် ရဟန်း မဟုတ်တော့၊ ထို့ကြောင့် သူတပါး အသက်မှန်သမျှကို မသတ်ရ။
၎။ လည်ဆစ်ပြတ်လေပြီးသော ထန်းပင်သည် တဖန် စည်ပင် ပြန့်ပွါးခြင်းငှါ မထိုက် တော့သကဲ့သို့ မိမိသန္တာန်ဝယ် တကယ်မရှိသော ဈာန် မဂ် ဖိုလ် တရားများကို လိမ်ညာပြောမိလျှင် ရဟန်းမဟုတ်တော့၊ ထို့ကြောင့် လိမ်ညာမပြောရ၊ လိမ်ညာ ပြောခြင်းအမှုကို ရဟန်း ဘ၀မှာ နေသမျှ ရှောင်ကြဉ်ရမည်။

နားလည်မှုယူ၍ ခွင့်လွှတ်ခြင်း
ရဟန်းဖြစ်ချိန် မှတ်တမ်း၊ ဆောင်ရန် ၄-ပါး၊ ရှောင်ရန် ၄-ပါး တို့ကို ပြောကြား ပြီးနောက် လိုက်နာကျင့်သုံးရမည့် ၀တ္တရားများ မလစ် ဟင်းစေရန်နှင့် လစ်ဟင်းမှုရှိက သက်သာခွင့်ရရန် လမ်းညွှန်ချက် ပေးရသေးသည်၊ ဥပဇ္ဈာယ်ဆရာနှင့် ကမ္မ၀ါစာ ဆရာတို့သည် ရဟန်း ဖြစ်အောင် ချီးမြှောက်ပေးကြသော ဆရာရင်းများ ဖြစ်ကြသည်၊ ရဟန်းခံရာတွင် သံဃာအရေအတွက် ပြည့်မီအောင် ပါဝင်သူ ကာရက သံဃာများသည်လည်း ရဟန်းသစ်၏ ကျေးဇူးရှင်များပင် ဖြစ်ကြ၏၊ သာသနာတော်တွင်း၌ ဆရာတပည့်အချင်းချင်း ဆက်ဆံရေးဝတ္တရား များရှိကြသည်၊ ၀တ္တရားမကျေပွန်လျှင် အာပတ်အပြစ်ဖြစ်ရုံမက သီလကိုလည်း ဖြည့်ကျင့်သည်မမည်၊ သီလမစင်ကြယ်က စိတ်တည်ငြိမ် မှုမရှိဘဲ မဂ် ဖိုလ် နိဗ္ဗာန်ကိုလည်း မရနိုင်၊ ထို့ကြောင့် ဆရာတပည့်တို့ တာဝန်ကိုယ်စီ ဖြည့်ကျင့်ကြရသည်၊ ဆရာတပည့် အနေကွာခြင်း စသော အကြောင်းကြောင့် ၀တ္တရားမပြုနိုင်ခဲ့သော် အပြစ်မှ သက်သာခွင့်ရရန် နားလည်မှုယူပြီး ခွင့်ပြုထားလျှင် အပြစ်လွတ်နိုင်သည်။

အချင်းချင်း ခွင့်လွှတ်ပုံ
`ဥပဇ္ဈာယ်ဆရာ ကမ္မ၀ါစာဆရာ ကာရကသံဃာတော်အရှင်မြတ်တို့ဘုရား၊ အရှင်မြတ်တို့အပေါ်၌ တပည့်က ပြုရမည့် ၀တ္တရားများစွာပင် ရှိပါသည်ဘုရား၊ နေရာတပါး ဝေးခြားခြင်းစသော အကြောင်းကြောင့် ခွင့်ပြု၍ရစကောင်းသော ၀တ္တရားများကို မပြုဘဲနေနိုင်ရန် ခွင့်လွှတ် တော်မူပါဘုရား၊ ဘုရားတပည့်တော်အပေါ်၌ အရှင်မြတ်တို့ ပြုရမည့် ၀တ္တရားများကိုလည်း တပည့်တော်က မသာယာဘဲ ခွင့်လွှတ်ပါသည် ဘုရား´။

သာသနာ့တာဝန် ထမ်းဆောင်ခြင်း
ရှင်သာမဏေနှင့် ရဟန်းနှစ်ဦးစလုံးသည် လူ့ဘောင်ကို စွန့်ခွါပြီး အိမ်ရာမထောင် သာသနာ့ဘောင်၌ သာသနာ့တာဝန်များကို ထမ်းဆောင် နေသူများ ဖြစ်သည်၊ သာသနာ့တာဝန် ဟူသည် အချုပ်အားဖြင့် ဂန္ထဓုရ၊ ၀ိပဿနာဓုရ- ဟု နှစ်မျိုးသာ ရှိသည်၊ သင်ယူလေ့ကျင့်ရေး တာဝန်၊ ကျင့်ကြံရေးတာဝန် ဟု ဆိုလိုသည်၊ အနည်းငယ် ချဲ့ဦးအံ့--
၁။ ဂန္ထဓုရ- ပိဋကတ်စာပေကျမ်းဂန် သင်အံပို့ချရေးတာဝန်။
၂။ ၀ိပဿနာဓုရ- ကမ္မဋ္ဌာန်းဘာဝနာ ပွါးများအားထုတ်ရေးတာဝန်။
ဤနှစ်ရပ်ကို ရည်ရွယ်၍-
`ရဟန်းကိစ္စ၊ နှစ် ဓုရ၌၊ လုံ့လအားသည်း၊ ဟိတ်ဟန်နည်း၍၊ ပစ္စည်းမသို၊ စိတ်မတို၊ ခင်ပျို ကြီးပွါးကြောင်း´ဟု မိန့်ဆိုကြသည်။
ပိဋကတ်စာပေကျမ်းဂန် သင်ကြားနေကြသော ဂန္ထဓုရပုဂ္ဂိုလ်တို့သည် ရည်ရွယ်ချက် သုံးမျိုးဖြင့် သင်ကြားနေသည်ကို တွေ့ရသည်။

ပရိယတ္တိ ၃-မျိုး
၁။ မြွေဖမ်းတတ်ခြင်းနှင့် တူသော သင်ယူပုံ၊
၂။ သံသရာဝဋ်ဒုက္ခမှ ထွက်မြောက်ရန် အကျိုးကို မျှော်ကိုး၍ သင်ယူပုံ၊
၃။ ဘဏ္ဍာစိုးနှင့် တူသော သင်ယူပုံ။
စာပေကျမ်းဂန် သင်ယူရာတွင် အချို့က သူတပါးကို နှိမ်ရန် ၀င့်ကြွားရန်၊ ဘုန်းကြီးရန် စသော လောဘ ဒေါသ အကုသိုလ်မူလ အရင်း ခံဖြင့် သင်ယူကြသည်၊ ထိုသင်နည်းမျိုးကို မြွေဖမ်းတတ်ခြင်းနှင့်တူသော သင်ယူနည်းဟုခေါ်သည်၊ မြွေဖမ်းသောအခါ အဖမ်းမတတ်လျှင် ထိုမြွေ ကိုက်၍ သေသော်လည်း သေရာ၏၊ ထို့အတူ လောဘ ဒေါသ အကုသိုလ်မူလ အရင်းခံဖြင့် သင်ကြားလျှင် ထိုအကုသိုလ်ကပင် မိမိကို အပါယ်သို့ ပို့ဆောင်ပါလိမ့်မည်။
သီလ သမာဓိ ပညာ ဖြည့်ကျင့်ဖို့ရန် ရည်ရွယ်ချက်ဖြင့် သင်ယူခြင်းကို သံသရာဝဋ်ဒုက္ခမှ ထွက်မြောက်ရန် အကျိုးကို မျှော်ကိုး၍ သင်ယူ နည်း ဟု ခေါ် သည်။
ထိုသင်ယူခြင်းမျိုးသည် မြွေဖမ်းတတ်သဖြင့် မြွေကိုက်မခံရသကဲ့သို့ လိုအပ်သော အကျိုးပြီးမြောက်နိုင်သည်။

စာသင်နေသူများကို မနှိမ်သင့်ပါ
သာသနာတော်၌ ကိစ္စအားလုံး ပြီးပြည့်စုံနေသော ရဟန္တာပုဂ္ဂိုလ်သည် သူတော်ကောင်းတရားကို စောင့်ရှောက်ရန် ရည်ရွယ်ချက်ဖြင့်သာ သင်ယူ၏၊ မိမိအတွက် ရည်ရွယ်ချက်မရှိ၊ ထိုသင်ယူခြင်းမျိုးကို ဘဏ္ဍာစိုးနှင့် တူသော သင်ယူနည်းဟု ခေါ်သည်။
ဆိုခဲ့ပြီးသော သုံးမျိုးတွင် နံပါတ် ၂-သင်ယူနည်းမျိုးဖြင့် သင်ယူမှသာလျှင် ရှင် ရဟန်းပြုရကျိုးနပ်နိုင်ပါသည်၊ အချို့လည်း ငယ်ရွယ်စဉ် နံပါတ် ၁- သင်ယူနည်းမျိုးဖြင့် သင်ယူရင်းပင် ပိဋကတ်တော်၏ အနှစ်သာရများကို သိရသဖြင့် နံပါတ် ၂-သင်ယူနည်းမျိုးသို့ ပြောင်းလဲ သွားသည်ကို အများအပြား တွေ့ရပါသည်။
ပရိယတ်နှင့် ပဋိပတ်သည် ခွဲလို့ မရ၊ တစ်ခုနှင့်တစ်ခု မှီတွယ်နေသည်၊ တစ်ချို့က ပေါဋ္ဌိလမထေရ်ကို ပုံစံထုတ်၍ ပရိယတ်ကို ပုတ်ခတ် နေကြပါသည်၊ စာသင် စာချနေသူများကို နွားနို့မသောက်ရသော နွားကျောင်းသား ပမာထားလျက် သနားသယောင်ယောင်ပြု၍ ပြက်ရယ် ပြုနေကြပါသည်၊ ထိုသူများ၏ အဆိုကြောင့်-
`တရားမနာ၊ စာပေ မသင်၊ နှုတ်တွင် မဆောင်၊ သိအောင် မပြု´ လျှင်သော်လည်းကောင်း-
`စာသင် ပယ်လျော၊ ကျယ် မဟောကြ၊ ကျယ် မချနှင့်၊ ကျယ်စွ မအံ၊ မကြံမစည်´လျှင်သော်လည်းကောင်း-
သာသနာကွယ်သွားနိုင်သည် မဟုတ်လော။
သို့ဖြစ်လျှင် သာသနာကွယ်ခြင်း၌ မည်သူ့အပေါ်မှာ တာဝန်ရှိပါသနည်း၊ ပညာရှိများ စဉ်းစားရန်၊ လူထွက်လို၍ တိုင်ပင်ရာတွင် သပိတ် သင်္ကန်းကို လိုချင်သဖြင့် အားပေးမိသောကြောင့် ၇-ကြိမ် လူထွက်ရသော စိတ္တဟတ္ထထေရ်၏ ၀ဋ်ကြွေးကိုလည်းကောင်း၊ စာချဘုန်းကြီး ဘ၀က စာသင်သား စိတ်ဓာတ်ကျအောင် ပြောဆိုမိသဖြင့် ဂါထာလေး တစ်ဂါထာကိုပင် တစ်ဝါတွင်းလုံးရအောင် မကျက်နိုင်သော ရှင် စူဠပန်၏ ၀ဋ်ကြွေးကိုလည်းကောင်း နှလုံးမူ၍ စာသင်နေသူများ စိတ်ဓာတ်ကျအောင် မပြောမိဖို့ သတိပြုရမည်။
နံပါတ် ၂-သင်နည်းဖြင့် စာပေကျမ်းဂန်သင်ယူလျှင် ကိလေသာ ၀င်ခွင့်မရ၊ သီလ သမာဓိ ပညာ ရင့်ကျက်ပြီး မလိဃဒေ၀ ထေရ်ကဲ့သို့ အရဟတ္တဖိုလ်သို့ပင် ဆိုက်ရောက်နိုင်သည်၊ ကိုင်းကျွန်းမှီဆိုသကဲ့သို့ ပရိယတ် ပဋိပတ် နှစ်ရပ်တို့သည် အချင်းချင်း အင်အားပြုမှ ကြီးပွါး တိုးတက်နိုင်ကြမည်။
`ငါ ပရိယတ်သမား၊ ငါ ပဋိပတ်သမား´ဟု ကြွေးကြော်ရုံမျှနှင့် မပြီးပါ၊ ပရိယတ်သည် ပစ္စည်း ၄-ပါး ကျောထောက် နောက်ခံရှိသည်၊ ပဋိပတ်သည် ဓုတင် ကျောထောက် နောက်ခံ ရှိသည်။

အနှစ်ရှာကြစို့

စန္ဒကူးနှစ်ကို ရလိုလျှင် စန္ဒကူးပင်ကြီးမှ အပွေး အခေါက် အခွံ အကာတို့ကို ပယ်ရှားပစ်ရမည်၊ အပွေး အခေါက် အခွံ အကာတို့ဖြင့်သာ တင်းတိမ်နေလျှင် စန္ဒကူးနှစ်ကို မရနိုင်၊ ထို့အတူ သာသနာ့ဘောင် ၀င်၍ ရှင် ရဟန်းပြုနေခြင်းသည် အရဟတ္တဖိုလ် အနှစ်ကို ရှာဖွေနေ ခြင်းပင် ဖြစ်သည်။
သို့ပါလျက်-
၁။ အချို့က အပေါ်ယံ အပွေးမျှဖြစ်သည့် လာဘ သက္ကာရ သိလောက (လာဘ်ရမှု၊ အပူဇော်ခံရမှု၊ အရှိန်အ၀ါရှိမှု)နှင့် တင်းတိမ်နေ၏။
၂။ အချို့က တဆင့်တက်ပြပြီး အခေါက်ပမာ သီလမျှဖြင့် တင်းတိမ်နေသည်။
၃။ အချို့ကလည်း တတိယဆင့် အခွံနှင့်တူသော ဈာန်သမာဓိလောက်ကို အဟုတ် ကြီး ထင်နေပြန်သည်။
၎။ အချို့မှာ စတုတ္ထဆင့် အမြင်ထူးရ တန်ခိုးပြနိုင်ခြင်းဟူသော အဘိညာဉ်ကိုပင် ရဟန္တာအဖြစ် ထင်နေကြသည်၊
အဘိညာဉ်သည် သာသနာတော်၏ အကာမျှ ဖြစ်နေသည်ကို မသိကြပေ။
၅။ တကယ့်အနှစ် အရဟတ္တဖိုလ်အစစ်ကို ရလိုလျှင်-
လာဘ သက္ကာရ သိလောက- အပွေး၊ သီလ- အခေါက်၊ သမာဓိ- အခွံ၊ အဘိညာဉ်- အကာတို့ကို ပစ်ပယ်ရမည်၊
မလိုအပ်သည်များကို ပယ်ရှား၍ အရဟတ္တဖိုလ်အနှစ်ကို ရယူနိုင်မှသာ အစ၌ ဆိုခဲ့သော ဒုက္ခကင်းရေးရည်ရွယ်ချက် အထမြောက်ပေမည်။

နိဂုံးချုပ်
အချုပ်ဆိုရသော် သတ္တ၀ါတိုင်း ဒုက္ခနှင့် ရင်ဆိုင်နေကြရသည်ချည်းဖြစ်၍ ဒုက္ခကင်းလိုကြသည်၊ ဒုက္ခကင်းရေး နည်းလမ်းအစစ်ကား ဗြဟ္မ စရိယပင်ဖြစ်သည်၊ ဗြဟ္မစရိယကို ပြည့်စုံဖြူစင်စွာ ဖြစ်အောင် ကျင့်ကြံဖို့ရာလည်း ရဟန်းပြုကြသည်၊ ရှင်သာမဏေ ဖြစ်ခွင့်ကို သရဏဂုံ ဖြင့် ပြုရသော နည်းတစ်မျိုးကိုသာ ခွင့်ပြုတော်မူခဲ့သည်။
ရဟန်းဖြစ်ခွင့်ကိုကား-
`ဧဟိ သရဏ၊ သြ၀ါဒ၊ ပဉ္စ ဂရုဓမ်။
ဒူတေ အဋ္ဌ၊ ဉတ္တိပြ၊ ရှစ်ဝ ရဟန်းမှန်´ဟူ၍ ၈-မျိုး ခွင့်ပြုတော်မူခဲ့သည်။
ထို ၈-မျိုးတို့တွင် ဉတ္တိစတုတ္ထကမ္မ၀ါစာဖြင့် ရဟန်းပြုပေးနိုင်သော စနစ်တစ်ခုသာ ယနေ့ထက်တိုင် ရှင်သန်လျက် ရှိနေပေသည်၊ ထိုစနစ် ကို မြတ်စွာဘုရားသည် မဟာသက္ကရာဇ် ၁၀၃-ခုနှစ်၊ တပို့တွဲလပြည့်နှင့် တပေါင်းလပြည့် အကြားလောက်မှာ စတင်ပညတ်တော်ခဲ့သည်၊ သာသနာတည်သရွေ့ တည်ရှိမည့် နည်းစနစ်လည်း ဖြစ်သည်၊ မြတ်စွာဘုရားသည် ရှင် ရဟန်းပြုခွင့်ပေးရာမှာ ကြည်ညိုဖွယ်ရာ ဖြစ်စေ နိုင်သည့် ဥပဓိသမ္ပတ္တိရှိသူများကိုသာ ခွင့်ပြုခဲ့ပါသည်။
ရှင် ရဟန်းဖြစ်ခွင့်ရသူများသည် အဓိသီလ သိက္ခာပုဒ်များ၏ တည်ရာ စေတီအိမ်များဖြစ်၍ လူ နတ် ဗြဟ္မာ သတ္တ၀ါ အားလုံး၏ ရှိခိုး ဦး ခိုက်မှုကို ခံထိုက်ကြရသည်၊ မြတ်စွာဘုရားသည် တပည့်သားများတွက် အာမိသအမွေ၊ ဓမ္မအမွေ နှစ်မျိုးလုံးကိုပေးခဲ့ပါသည်၊ တပည့်သား များကလည်း ရရှိသည့် အမွေပစ္စည်း နှစ်မျိုး စလုံးကို အသုံးချဖို့လိုပါသည်။
အာမိသအမွေဖြင့်သာ လမ်းဆုံးနေလျှင်-
`သံသာရ၀ဋ္ဋဒုက္ခတော မောစနတ္ထာယ´ဟူသော မူလရည်ရွယ်ရင်းကိစ္စ ပြီးမြောက်မည်မဟုတ်ပါ၊ ပစ္စည်း ၄-ပါး အာမိသအမွေကို တရား နှင့်အညီ သုံးဆောင်ခြင်း၊ ရှောင်ကြဉ်ခြင်း၊ လိုက်နာခြင်းတို့ဖြင့် ဓမ္မအမွေကိ်ု ခံယူမှသာ ဒုက္ခကင်းရေး ရည်ရွယ်ချက် အောင်မြင်မည် ဖြစ် ကြောင်း တင်ပြရင်း နိဂုံးချုပ်လိုက်ပါသည်။

အရှင်တိလောကာဘိဝံသ (အင်းစိန်)

ရဟန်းခံ ရှင်ပြုအကြောင်း သိကောင်းစရာ
(၁) ကို ဖတ်ရှုလိုပါက
https://m.facebook.com/story.php?story_fbid=546016508893267&id=100004547686229

ရဟန်းခံ ရှင်ပြုအကြောင်း သိကောင်းစရာ
(၂) ကို ဖတ်ရှုလိုပါက
https://m.facebook.com/story.php?story_fbid=546015352226716&id=100004547686229
▬▬▬▬▬▬▬▬▬▬▬▬▬▬▬▬▬▬
မေတ္တာဖြင့် ဓမ္မစကူးလ်ဆုံရာ
မျိုးချစ်သူ(မြောက်လူးကန်ရွာ - ပခုက္ကူ)

Credti.   To.  အရှင်သုမင်္ဂလ

Credit:original upload