မနောဒြွါရအကြောင်း

~ မနောဒွါရ နှင့်  အတွေးအာရုံ  ထိတိုက်လို့  တွေးစိတ်ဖြစ်ပေါ်တာကို
နားလည်ပြီးကြပါပြီ ။ အပါယ်(၄)ဘုံကို  ပို့ဆောင်တတ်ပါတယ်။

~ အသက်ရှင်သန်နေသ၍  တွေးစိတ်နှင့်လည်း  မလွတ်ကင်းနိုင်ပါဘူး။
ဒီတော့  အပြစ်ကင်းတဲ့  တွေးနည်းလေးကိုလည်း  သိထားဦးမှ  ဖြစ်
မှာပါ ။

~ ထုံးစံအတိုင်း  သမရိုးကျတွေးစိတ်သည်  လောဘတဏှာ , ဒေါသ,
သောက , မောဟ , အဝိဇ္ဇာ နှင့်  မာန , ဒိဋ္ဌိ ဆိုတဲ့  တရားဆိုးတွေ
ကြောင့်  အပါယ်ကျတာပါနော် ။  တွေးစိတ်သည်  ဒီလိုမျိုးတရားဆိုး
တွေကို  မဖြစ်ပေါ်စေနိုင်တာလည်း  ရှိပါသေးတယ် ။

~ သမ္မာဒိဋ္ဌိဉာဏ်ဦးစီးတဲ့  အတွေးပါ ။ ခန္ဓာ့ဖြစ်စဉ်  ပဋိစ္စသမုပ္ပါဒ်
တရားနှင့်  ဒုက္ခသစ္စာတရားတော်တွေကို  များစွာနာယူမှတ်သားပြီးတဲ့
သူများကိုတော့  အထူးပြောစရာမလိုပါဘူး ။  မည်သူမဆို  မိမိ၏ရုပ်
ဓမ္မ နှင့် နာမ်ဓမ္မအကြောင်းကို  မချွင်းမချန်  အမှန်အတိုင်း ဝေဖန်
စေချင်တဲ့  တွေးစိတ်ပါဘဲ ။

~ ရုပ်တရားနှင့်ပါတ်သက်လို့  နေ့စဉ်ကျွေးမွေးပြုပြင်  သန့်ရှင်းစောင့်
ရှောက်ပေးနေရတာမျိုး ၊ ရုပ်တရားဖေါက်ပြန်ပျက်စီးလို့  အနာရော
ဂါ  ဝေဒနာအမျိုးမျိုးနှင့် ကုသပြုစုရတာ ၊ ကြီးမားတဲ့အနာမရှိခဲ့ပါ
လျှင်လည်း  တည်ငြိမ်စွာမနေနိုင်ဘဲ  မကြာခဏ, ဟိုဘက်လှည့်ပေးရ
ဒီဘက်စောင်းပေးရ၊ တော်ကြာထိုင်ပေးရ ,ထပေးရ , လဲလျောင်းပေး
ရနှင့်  ချိန်ခါမရွေးလုပ်ကိုင်ပေးနေရတာပါ ။ ဒီအထဲ  ဖွားဘက်တော်
တေဇောမီးဆိုသည့် , ဇရာကလည်း အချိန်ပြည့်  တောက်လောင်နေ
ပြန်တော့  တစ်နေ့တခြား  အိုမင်းရင့်ရော်လာတာကို  ရှောင်လွှဲလို့
မရပါဘူး ။ ဖျားနာ,ဝမ်းပျက်,လည်နာ,ချောင်းဆိုး,ခေါင်းကိုက်တာ
လည်း  ရှောင်တခင် ဖြစ်တတ်ပါသေးတယ် ။ စသည်ဖြင့်  ရုပ်ဓမ္မ၏
အဖြစ်မှန်တွေကို  ဒီလိုမျိုးအမှန်အတိုင်း နားလည်အောင်  တွေးပါ ။

~ နာမ်တရားကတော့  အဆိုးဆုံးပါဘဲ ။ စားချင်,သွားချင်,ကြည့်ချင်,
ပြောချင်,ဝတ်ချင်,ဝယ်ချင် ရုံတင်မက ၊ အခုကြိုက်ပေမဲ့  တော်ကြာ
မကြိုက်ပြန်ဘူးဆိုတာလည်း သူပါဘဲ ။ မွေးဖွားလာပြီးနောက်ပိုင်း
သေမည့်အချိန်အထိ  ကြားကာလတလျှောက်လုံးမှာ  သူချယ်လှယ်
ပြီးတော့  စီမံလာတာပါ ။ အရှက်တကွဲ အကျိုးနည်းပြီး  ဂုဏ်သိက္ခာ
ကျဆင်းစေတဲ့  အမှုကိစ္စများကိုသာမက ၊ နောင်,  ဒုက္ခသံသရာကို
ရှည်လျားစေတာသည်လည်း  တရားခံအစစ်က  နာမ်ဓမ္မပါဘဲ ။ စသည်
ဖြင့်  နာမ်ဓမ္မ၏ အဖြစ်မှန်တွေကိုလည်း  အမှန်အတိုင်း  နားလည်အောင်
တွေးပါ ။

~ ပြီးတော့  ရုပ်,နာမ်ဆိုတာ  ဘုံ,ဘဝအပေါ်မှာ  မှီခိုပြီးတော့ဖြစ်ပေါ်
တာပါ ။ ဒီတော့  အဖိုး,အဖွား,အမိ,အဘ,ဇနီးခင်ပွန်း,သားသ္မီး,မြေး
မြစ်,မိတ်ဆွေ,သူငယ်ချင်း .. စသည်ဖြင့်  မိသားစု ပါတ်ဝန်းကျင်အ
သိုင်းအဝိုင်းဆိုတာ  ရှိမှာဧကန်ပါဘဲ ။ တစ်ဦးတစ်ယောက်  သေဆုံး
တိုင်းလည်း  ဝမ်းနည်းပူဆွေး  သောကရောက်ရမှာ  အမှန်ပါဘဲ ။
သားပူ,သ္မီးပူ,ဆွေပူ,မျိုးပူ,ပစ္စည်းပူ .. ဆိုတဲ့  သောကအမျိုးမျိုးတွေ
ကို  မတွေ့ကြုံချင်လို့  မရပါဘူး ။ ဒီအထဲ  ဘုံ,ဘဝ၏ထုံးစံအတိုင်း
မီးလောင်,ရေကြီး,ငလျင်လှုပ်,တောင်ပြို ,မုန်တိုင်းမိ .. စသည်ဖြင့်
သဘာဝဘေးဥပါဒ် အန္တရာယ်အမျိုးမျိုးကလည်း  ချိန်ခါရာသီအ
လိုက်  ဖြစ်တတ်ပါသေးတယ် ။  ဒါတွေက ရုပ်,နာမ်ရပြီး  ဘုံ,ဘဝအ
ပေါ်မှာ  မှီခိုရလို့  တွေ့ကြုံရတဲ့  ဆင်းရဲဒုက္ခတွေပါနော် ။

~ တွေးချင်လျှင်  အဲဒီလိုတွေးပါ ။ တဏှာလောဘ,ဒေါသ,မောဟ,မာ
န,ဒိဋ္ဌိ ဆိုတဲ့  အပါယ်ရောက်ကြောင်းတရားဆိုးတွေ  မဖြစ်ပေါ်ပါဘူး။
သမ္မာဒိဋ္ဌိဆိုတဲ့  အမြင်မှန်ဦးစီးတဲ့အတွေးဖြစ်လို့ ၊  ခန္ဓာကို  ခင်တဲ့
တဏှာ လျော့ပါးစေသလို ၊ ဘုံဘဝကို  လိုချင်တောင့်တတဲ့  တဏှာ
ကိုလည်း  လျော့နည်းစေတာ  အမှန်ပါဘဲ ။  မကောင်းတာအမှန်ပါလို့
နားလည်တော့  လိုချင်တဲ့တဏှာတွေလည်း လျော့နည်းတော့တာပေါ့ ။

~ ယ္ခုလို  တွေးစိတ်ဖြစ်ပေါ် ခြင်း၏  တန်ဘိုးကြီးမားပုံကိုလည်း  ရှင်း
ပြပါဦးမယ် ။ သမ္မာဒိဋ္ဌိ , သမ္မာသင်္ကပ္ပ ဆိုသည့်ပညာမဂ္ဂင်(၂)ပါး ၊
သမ္မာဝါယမ , သမ္မာသတိ , သမ္မာသမာဓိ ဆိုတဲ့  သမာဓိမဂ္ဂင်(၃)ပါး
နှင့်အတူ  မကောင်းတာအမှန်ကို  နားလည်သည့်  "သံဝေဂဉာဏ် "
သည်   တွေးစိတ်နှင့်ယှဉ်၍  ဖြစ်ပေါ်နေတာပါ ။  ဒီလိုနားလည်တော့
သမထဘာဝနာသက်သက်ထက်  ပိုမိုအဘိုးတန်တဲ့  "တွေးစိတ်" ဆို
တာ  ရှင်းလောက်ပါပြီ ။  ဒီတော့  အခြေအနေအချိန်အခါ မပေးသေး
လို့ ဝိပဿနာတရား  မရှုမှတ်နိုင်သေးသူများလည်း   အားမလျော့
ကြပါနှင့် ။ ရုပ်,နာမ် နှင့် ဘုံ,ဘဝကို  မချွင်းမချန်  မှန်မှန်ကန်ကန်  သိမြင်
စေမည့်  " တွေးလုံး " များသာဖြစ်အောင် ၊ မိမိက  တည့်မတ်ပေးဖို့
လိုရင်းပါ ။
သာသနာပကာလတွင်  ပွင့်တော်မူကြသော  ပစ္စေကဗုဒ္ဓါများသည်လည်း
သစ်ရွက်ကျွေတာကိုတွေ့မြင်ပြီး  သံဝေဂဉာဏ်ဖြစ်ပေါ်လာကာ,
ထိုမှတဆင့်  မိမိခန္ဓာအတွင်းမှ  အပျက်,အနိစ္စကိုသိမြင်ပြီး  မဂ်ဖိုလ်
နိဗ္ဗာန်ကို  တက်လှမ်းကြတာပါ ။

~ သံဝေဂဉာဏ်ရင့်သန်စေသော တွေးစိတ်သည်  ဝိပဿနာရှုမှတ်ရာ
တွင် ၊ မိမိခန္ဓာ၏အပျက်,အနိစ္စကိုသိမြင်လွယ်ပြီး    ဒုက္ခသစ္စာကို
ထင်ရှားပေါ်လွင်စေသောကြောင့်၊ အချိန်တိုတိုဖြင့်  မဂ်ဖိုလ် နိဗ္ဗာန်ကို
ရနိုင်ပါကြောင်း  မေတ္တာဖြင့်တင်ပြပါသည် ။

Credit: Original upload