“သုနက္ခတ္တံ”- "သုမင်္ဂလံ"

လောဘ၊ ဒေါသ၊ မောဟတွေနည်းအောင်
ကြိုးစားတဲ့အချိန်ဟာ “သုနက္ခတ္တံ”-
ကောင်းသောနက္ခတ် ပဲတဲ့။
ကိုယ့်အတွက် “သုမင်္ဂလံ”- မင်္ဂလာအရှိဆုံး
အချိန်ပဲတဲ့။ အဲဒီအချိန်ဟာ စိတ်ဆိုးနေတဲ့အချိန်ဟာ
မင်္ဂလာ မရှိဆုံးအချိန်ပဲလို့ ဒီလိုမှတ်ထား။
စိတ်မဆိုးဘူး၊ မေတ္တာဘာဝနာ ပွားနေတယ်၊
တစ်ယောက်နဲ့တစ်ယောက် သင့်သင့်မြတ်မြတ်
ရှိနေတယ်၊ မိတ်ဆွေမပျက်ဘူးဆိုရင် မင်္ဂလာရှိတဲ့
အချိန်တစ်ခုပဲလို့ ဒီလိုမှတ်တယ်။

“သုပ္ပဘာတံ”- ဘုရား၊ တရား၊ သံဃာကို အာရုံပြုပြီး
တော့ နိုးလာလို့ရှိရင် ကောင်းသောနံနက်ခင်း
ဖြစ်လာတယ်။ “သုဟုဋ္ဌိတံ”- အိပ်ရာက နိုးထလာတဲ့အခါ
နှုတ်ခမ်းကြီးစူပြီးတော့ နိုးထတာမဟုတ်ဘူး။
အများသတ္တဝါတွေ ချမ်းသာကြပါစေဆိုတဲ့
အတွေးလေးနဲ့ နိုးထလာရင် ဒါ “အကောင်းဆုံး
အိပ်ရာက ထခြင်း” ပဲ ဖြစ်တယ်ပေါ့။

အဲဒီလို နေ့စဉ်နဲ့အမျှ အကောင်းဆုံး မိုးသောက်ချိန်
ဖြစ်ဖို့နဲ့ အကောင်းဆုံး အိပ်ရာကထခြင်း ဖြစ်အောင်
မကြိုးစားသင့်ဘူးလား၊ ကြိုးစားရမှာ။
ဒါတွေ ဖြစ်အောင် ကြိုးစားရမှာ။
အဲဒီလို ကြိုးစားဖို့ဆိုလိုတာ။
နေ့စဉ်လုပ်နေတဲ့ အလုပ်တွေဖြစ်ရမယ်။
ဟုတ်ရဲ့လား။

ကိုယ့်အိမ်မှာ နေရင်းထိုင်ရင်းနဲ့ ကောင်းသော
မိုးသောက်ဖြစ်ဖို့၊ ကောင်းသော နက္ခတ်နဲ့ကြုံတဲ့
အချိန်ပိုင်းဖြစ်ဖို့၊ ကောင်းတဲ့မင်္ဂလာရှိတဲ့ အချိန်ဖြစ်ဖို့ရာ
ကိုယ့်သန္တာန်မှာ ကောင်းတဲ့စိတ်ဓာတ်တွေ ဖြစ်နေအောင်
ကိုးစားရမယ်။
မေတ္တာပွားနေမယ်၊ အဆင်မပြေတဲ့ သူတွေကို
ကရုဏာထားမယ်၊ အဆင်ပြေတဲ့လူတွေ အပေါ်မှာ
မုဒိတာပွားမယ် ဆိုရင် ဒါ အင်မတန်မှ ကောင်းမြတ်တဲ့
စိတ်တွေလို့ ဒီလိုပြောတာနော်။

အဲဒီလိုနေလို့ရှိရင် “သုခဏော သုမုဟုတ္တောစ”
မေတ္တာပို့တဲ့ အချိန်လေး၊ ကုသိုလ်ရတဲ့ အချိန်လေးဟာ
အကောင်းဆုံး အချိန်လေးပဲ။
အကောင်းဆုံး အချိန်ပိုင်းလေး။
အဲဒီလို အကောင်းဆုံး အချိန်ပိုင်းလေး ကိုယ့်သန္တာန်မှာ
အများကြီးဖြစ်လာအောင် လုပ်ဖို့လိုအပ်တယ်။
ဒီလိုဆိုလိုတာ။

“သုယိဋ္ဌံ ဗြဟ္မစာရိသု”- အကျင့်စာရိတ္တ ကောင်းတဲ့
ပုဂ္ဂိုလ်တွေအပေါ်မှာ ဒါနကောင်းမှုလုပ်တဲ့ အချိန်လေးဟာ
ကိုယ့်အတွက် အကောင်းဆုံးအချိန်ကလေးပဲတဲ့။
ဒါက မြတ်စွာဘုရားဟောတဲ့ ဂါထာ။ ကောင်းသော
နံနက်ခင်းဆိုတဲ့ အဓိပ္ပာယ်ရအောင် မြတ်စွာဘုရား
ဟောတာ။

အဲဒီတော့ အတိုချုပ် ပြောလိုက်မယ် ဆိုလို့ရှိရင်
လူတွေမှာ လှုပ်ရှားမှု၊ လုပ်ဆောင်မှု ဘယ်နှစ်ခုရှိတုန်း
ဆိုရင် စိတ်နဲ့တွေးတာလည်းပဲ စိတ်နဲ့လုပ်တယ်လို့
ခေါ်တယ်။မနောကံလို့ခေါ်တယ်။ နှုတ်ကနေ
ပြောတာကျတော့ ဝစီကံလို့ခေါ်တယ်။
ကိုယ်ထိလက်ရောက် လုပ်တာကျတော့ ကာယကံ
လို့ခေါ်တယ်။ စိတ်ထဲက နေပြီးတော့ တောင့်တတာကို
ကျတော့ “ပဏိဓိ” လို့ ခေါ်တယ်။

အဲဒါတွေဟာ ကုသိုလ်နဲ့ ယှဉ်ပြီးတော့ လုပ်မယ်ဆိုပါစို့။
ကာယကံအနေနဲ့ ကောင်းတဲ့ကာယကံနဲ့ ဘယ်လို
လုပ်တုန်းဆို အရပ်ထဲမှာ ကိုယ်လမ်းလျှောက်
သွားတာပဲဖြစ်စေ၊
လမ်းလျှောက်သွားရင်းက နေပြီးတော့
ဘယ်သူမှ ခလုတ်မထိ ဆူးမငြိကြပါစေနဲ့၊
ခဲလေးတွေ ဖယ်သွားတယ်၊ ဆူးလေးတွေ ဖယ်သွားတယ်၊
လုပ်ပုံပြောတာ။ အသေးစိတ်ကစပြီးတော့
ကာယကံ မေတ္တာတွေ ထားတယ်၊
နှုတ်ကလည်း ဝစီကံမေတ္တာတွေထားတယ်၊
စိတ်ကလည်းပဲ မနောကံမေတ္တာတွေပွားတယ်။

ကုသိုလ်တွေနဲ့ ကာယကံ၊ ဝစီကံ၊ မနောကံကုသိုလ်တွေ
ဖြစ်နေလို့ရှိရင် အဲဒီကုသိုလ်တွေဟာ ကိုယ့်အတွက်
ကြီးပွားကြောင်း အမှုတွေချည်းပဲ။

ဒါကြောင့်မို့လို့ “ပဒက္ခိဏံ ကာယကမ္မံ” ကုသိုလ်နဲ့
လုပ်တဲ့ ကာယကံမှန်သမျှဟာ “ပက္ခိဏ” တိုးတက်ဖို့၊
ကိုယ်ကြီးပွားဖို့ပဲဖြစ်တယ်။ ကြီးပွားတယ် တိုးတက်တယ်
ဆိုတာ ဒီ နိမ့်ကျတဲ့ အနေအထားတစ်ခုကနေပြီးတော့
အဆင့်မြင့်လာတဲ့သဘောကို ပြောတာနော်။
“ဝါစာကမ္မံ ပဒက္ခိဏံ” - ကိုယ်ပြောတဲ့
စကားကလည်း အပြစ်ကင်းတဲ့စကားဆိုရင် “ပဒက္ခိဏ”
ကြီးပွားတိုးတက်မှုဖြစ်လာတယ်။

“ပဒက္ခိဏံ မနောကမ္မံ”- စိတ်ထဲက ကြံစည်တဲ့
အမှုတွေဟာလည်းပဲ ကြီးပွားတိုးတက်ဖို့အတွက်
ဖြစ်လာတယ်။ “ပဏီဓိတေ ပဒက္ခိဏာ”-
ကိုယ့်စိတ်ဆန္ဒတွေ၊ စိတ်ထဲကတောင့်တမှု၊
ရည်သန်မှုတွေဟာလည်းပဲ ကြီးပွားတိုးတက်တဲ့
ရည်ရွယ်ချက်တွေ ဒီလိုဖြစ်လာတယ်တဲ့။

အဲဒီလို ကာယကံ၊ ဝစီကံ၊ မနောကံနဲ့ အတွေး
အကြံတွေဟာ ကောင်းလာပြီ ဆိုလို့ရှိရင် ဘာဖြစ်လဲ
ဆိုတော့ “လဘန္တတ္ထေ ပဒက္ခိဏေ”-
ကောင်းမြတ်တဲ့ အကျိုးကျေးဇူးတွေကို
သူရလာမယ်တဲ့။ ဒီလိုဆိုလိုတာနော်။

“ပဒက္ခိဏာနိ ကတွာန၊ လဘန္တတ္ထေ ပဒက္ခိဏေ”
လုပ်တဲ့အလုပ်ကိုက ကုသိုလ်တွေ လုပ်တာ၊
ကုသိုလ်တွေ ဆိုတာ ကြီးပွားတိုးတက်ခြင်းရဲ့
အကြောင်းဖြစ်တယ်။

လူတစ်ယောက်ဟာ စီးပွားလုပ်လို့ စီးပွားဖြစ်လာပြီ
ဆိုလို့ရှိရင် ပထမ ဆင်းရဲတဲ့ဘဝကနေ
ကြိုးစားလိုက်တဲ့အခါ တဲအိမ်လေးကနေ
တိုက်အိမ် ဆောက်လာနိုင်တယ်။
စက်ဘီးလေး ဝယ်ရာကနေ မော်တော်ဆိုင်ကယ်
ဝယ်လာနိုင်တယ်။မော်တော်ဆိုင်ကယ်ကနေ
ကားဝယ်လာနိုင်တယ်ပေါ့။ မြင့်မလာဘူးလား။

စီးပွားရေးနဲ့ ပတ်သက်လို့ အဲဒီလို မြင့်လာသလိုပဲ၊
စိတ်နေစိတ်ထားတွေ၊ ကုသိုလ်တရားတွေကိုလည်း
တိုးမြှင့်တိုးမြှင့်လုပ်တဲ့အခါ လူတစ်ယောက်ဟာ
ဘဝမှာ မြင့်မြင့်လာတာပဲ။ ဘဝတစ်ခုနဲ့တစ်ခု
သူက မြင့်မြင့်သွားတယ်။အဲဒါကိုပြောတာ။

“ပဒက္ခိဏာနိ ကတွာန၊ လဘန္တတ္ထေ ပဒက္ခိဏေ”-
ကောင်းတာတွေလုပ်တဲ့ ပုဂ္ဂိုလ် တစ်ယောက်ဟာ
ကောင်းတဲ့အကျိုးတွေကိုရတယ်။
ရလာတဲ့ အတွက်ကြောင့် သူဟာ အဆင့်မြင့်
မြင့်ပြီးတော့သွားတယ်။

“တေ အတ္ထလဒ္ဓါ သုခိတာ၊ ဝိရုဠာ ဗုဒ္ဓသာသနေ”-
အဲဒီလို ကောင်းကျိုးချမ်းသာတွေ ရလာပြီ ဆိုလို့ရှိရင်
“သုခိတ”- ကိုယ်စိတ်နှစ်ဖြာ ချမ်းသာတယ်။
“ဝိရုဠာ ဗုဒ္ဓသာသနေ”- မြတ်စွာဘုရား သာသနာမှာ
စည်ပင်လာတယ်ဆိုတာ ဘာပြောတာလဲဆိုတော့
သူက ကိုယ်ကျင့်သီလတွေနဲ့လည်း ပြည့်စုံလာတယ်၊
ကမ္မဋ္ဌာန်းတွေ နှလုံးသွင်းလာနိုင်တယ်။
ဘာဝနာကျင့်စဉ်တွေ ကျင့်လာတယ်၊
ဘာဝနာကျင့်စဉ်တွေ ကျင့်လာလို့ ဝိပဿနာတရားတွေ
အကြိမ်ကြိမ်အားထုတ်လာနိုင်တယ်၊
တိုးတက်လာတယ်၊ မသိသေးတာတွေ သိလာတယ်။

ဘုရား တရားတော်တွေနဲ့ ပတ်သက်ပြီးတော့
အဆင့်မြင့်လာတယ်။ ဒီလို ဆိုလိုတာ။ အဲဒီလိုထိအောင် 
ဖြစ်လာနိုင်တယ်တဲ့။အဲဒီလိုဖြစ်လာဖို့အတွက်
ကျန်းမာဖို့တွေ၊ဘာတွေ လိုအပ်လို့ အားလုံးသတ္တဝါတွေကို
ကျန်းမာကြပါစေ ဆိုတာနဲ့ နောက်ကနေ
“အရောဂါ သုခိတာ ဟောန္တု၊သဟ သဗ္ဗေဟိ ဉာတိဘိ”
တဲ့။ ဆွေတွေမျိုးတွေနဲ့ အတူတကွ
“အရောဂ”-ရောဂါကင်းကြပါစေ၊
“သုခိတ”-ကိုယ်စိတ်နှစ်ဖြာ ချမ်းသာကြပါစေ။
မနက်ပိုင်းမှာ ဒါမေတ္တာပွားတာပဲပေါ့။
အဲဒီလို မေတ္တာနှလုံးသားနဲ့ ကိုယ်ကနေနိုင်ပြီ
ဆိုလို့ရှိရင် ကိုယ့်ရဲ့စိတ်ကလေးဟာ အင်မတန်မှ
စင်ကြယ်လာတယ်။ စင်ကြယ်လာတဲ့ စိတ်ကလေးနဲ့
ကုသိုလ်တွေဖြစ်လာလို့ရှိရင် ခုနကပြောခဲ့တဲ့
ကာယကံတွေ၊ ဝစီကံတွေ၊ မနောကံတွေဟာ အထက်ကို
တိုးတက်မြင့်မားစေတဲ့ ကာယကံ၊ ဝစီကံ၊ မနောကံတွေပဲ
ဖြစ်တယ်တဲ့။

ဒါကြောင့်မို့လို့ မြတ်စွာဘုရားသခင် ကိုယ်တော်
မြတ်က ဒီ ပုဗ္ဗဏှသုတ်ကို အကျဉ်းချုပ် ဒီလို
ဟောထားတာ ဖြစ်တယ်။

တရားနာပရိသတ်အပေါင်း သူတော်ကောင်းတို့ဟာ
ဒီပရိတ်ကြီးထဲမှာပါတဲ့၊ ရှေးဆရာတွေ စီရင်ထားတဲ့
ဂါထာတွေရော၊ မြတ်စွာဘုရားဟောထားတဲ့
ဂါထာတွေရော၊ ဒီဂါထာတွေအတိုင်း မနက်မိုးသောက်
အလင်းရောက်တဲ့ အချိန်မှာဖြစ်စေ၊နေ့လယ်အခါမှာဖြစ်စေ၊
ညနေအခါမှာဖြစ်စေ ဒီလမ်းစဉ်အတိုင်း
ကျင့်ကြံကြိုးကုတ် အားထုတ်သွားကြမယ် ဆိုလို့ရှိရင်
ကောင်းသော နံနက်ခင်း၊ ကောင်းသော နေ့လယ်ခင်း၊
ကောင်းသော ညနေခင်းဆိုတဲ့ အချိန်ပိုင်းတွေနဲ့ကြုံတွေ့
ပြီးတော့၊ ကောင်းသောဘဝကြီးတစ်ခုလုံးကို ဖြတ်သန်း
ပြီးတော့၊ ကောင်းတဲ့ဘဝကနေပြီးတော့ နောက်ဆုံးမှာ
သံသရာဝဋ်ကလွတ်တဲ့ နိဗ္ဗာန်ဆိုတဲ့ ချမ်းသာသုခကို
မျက်မှောက်ပြုနိုင်ကြမှာ ဖြစ်တယ်လို့ ကိုယ်စီ ကိုယ်စီ
သဘောကျပြီး ပုဗ္ဗဏှသုတ်လာ ကျင့်စဉ်အတိုင်း မိမိဘဝ
တိုးတက်လာအောင် ကျင့်ကြံကြိုးကုတ် အားထုတ်တော်
မူနိုင်ကြပါစေကုန်သတည်း။ ။

Credit: Original upload